Jeremias 28:9 - Marahay na Bareta Biblia

⁹ Manongod sa propetang nagpapahayag nin katoninongan, masasabing totoong sugo siya nin Kagurangnan kun nagkakatotoo an saiyang pahayag.”

Jeremias 28:9 ပူးပေါင်းရင်းမြစ်များ

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Jeremias 14:13

Dangan nagsabi ako, “Kagurangnan Dios, aram mong sinasabihan sinda kan mga propeta na dai magkakaigwa nin gera o gutom, huli ta nanuga ka na magkakaigwa nin katoninongan sa samong daga.”

Jeremias 4:10

Dangan nagsabi ako, “Kagurangnan Dios, totoong dinaya mo an mga taga Jerusalem! Sinabi mo na magkakaigwa nin katoninongan, alagad sarong espada an nakabingat sa saindang mga halonan.”

Jeremias 6:14

Para sainda, an mga lugad kan sakong banwaan, mga kamros sana. Minasabi sinda na igwa nin katoninongan, maski mayo nin katoninongan.

Jeremias 8:11

Para sainda, an mga lugad kan sakong banwaan mga kamros sana. Minasabi sinda na igwa nin katoninongan maski mayo man nin katoninongan.

Ezekiel 33:33

Alagad kun magkatotoo na an gabos mong itinaram—asin magkakatotoo mananggad iyan—dangan maaaraman ninda na igwa nin sarong propeta sa tahaw ninda.”

Deuteronomio 18:21

“Siguro saindong iisipon kun paano nindo maaaraman na an mensahe kan propeta bakong hale sa Kagurangnan.

Deuteronomio 18:22

Kun an sarong propeta magtaram sa ngaran nin Kagurangnan, dangan dai magkatotoo an saiyang sinabi, kun siring, bako iyan mensahe nin Kagurangnan. Nagtaram an propetang iyan sa saiyang sadiring kapangyarihan, asin dai kamo dapat na matakot saiya.