Jeremias 28:14 - Marahay na Bareta Biblia

¹⁴ Nagtaram an Kagurangnan nin mga hukbo, an Dios nin Israel, na bubugtakan niya nin lansang na sakal an gabos na nasyon na ini asin maglilingkod sinda ki Hadeng Nebukadnezzar nin Babilonia. Sinabi nin Kagurangnan na papaglingkodon niya ki Nebukadnezzar maski an mga lalaw na hayop.”

Jeremias 28:14 ပူးပေါင်းရင်းမြစ်များ

Jeremias 15:12

Mayo nin makakabari nin lansang, orog na an lansang na hale sa amihan, na may salak na bronse.)

Jeremias 27:4

Tinaraman ako nin Kagurangnan nin mga hukbo, an Dios nin Israel, na pagbotan sinda na iosip sa saindang mga hade na nagtaram an Kagurangnan:

Jeremias 27:8

“Alagad kun dai maglingkod ki Nebukadnezzar na hade nin Babilonia an arin man na nasyon o kahadean, asin dai magpairarom sa saiyang kapangyarihan, papadusahan ko an nasyon na iyan sa paagi nin gera, gutom saka peste sagkod na dai ko pa itinutugot ki Nebukadnezzar na raoton nanggad an nasyon na iyan.

Jeremias 40:4

Hahaleon ko an kadena sa saimong mga kamot saka tatalingkasan taka. Kun boot mo, mag-iba ka sako sa Babilonia asin aatamanon taka. Alagad kun habo mo, nasa saimo iyan. Uya an bilog na daga na pwede mong pagpilian, asin magduman ka sa lugar na boot mo.”

Mga Panambitan 1:14

“Itinala niya an sakong mga kasalan dangan iginakod sa sarong sakal, na ibinugtak sa sakuyang abaga, na nagin dahelan kan sakong panluluya. Itinao ako nin Kagurangnan sa kamot kan mga kaiwal, na dai ko kayang labanan.

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Oseas 10:11

“Kaidto an Israel nakakaagid sa sarong ogbon na babaeng baka na pinatood sa pagginik. Alagad sasakalan ko an magayon niyang liog para sa mas magabat na trabaho. Dapat na mag-arado an Juda saka magsurod an Israel.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.