Jeremias 28:13 - Marahay na Bareta Biblia

¹³ magduman saka magsabi ki Ananias: “Nagtaram an Kagurangnan na kaya mong barion an kahoy na sakal alagad riribayan niya iyan nin lansang na sakal.

Jeremias 28:13 ပူးပေါင်းရင်းမြစ်များ

2 Mga Cronica 10:11

Binugtakan kamo kan sakong ama nin magabat na pasan; orog ko ining pagagabaton. An sakong ama naggamit saindo nin badas, alagad gagamitan ko kamo nin pamakol na may tonok!’”

Salmo 107:16

Huli ta ginagaba niya an mga bronseng pintoan asin pinuputol an mga barat na lansang.

Salmo 149:8

tanganing kadenahan an saindang mga hade; asin kadenahan nin lansang an saindang mga lider;

Isaias 45:2

“Ako mismo an maandam kan aagihan mo; an kabukidan saka kabubuldan papantayon ko. An mga bronseng trangkahan sakong gagabaon asin an mga lansang na barat sakong babarion.

Jeremias 27:15

An Kagurangnan mismo an nagtaram na dai niya sinda sinugo, alagad putik na nagpopropesiya sinda sa saiyang ngaran kaya aalawon ka niya asin magagadan ka, kaiba an mga propeta na nagtataram saimo kan mga kaputikan na ini.”

Jeremias 27:2

na maggibo nin lubid asin sakal dangan ibugtak ini sa sakong loong.

Mga Panambitan 1:14

“Itinala niya an sakong mga kasalan dangan iginakod sa sarong sakal, na ibinugtak sa sakuyang abaga, na nagin dahelan kan sakong panluluya. Itinao ako nin Kagurangnan sa kamot kan mga kaiwal, na dai ko kayang labanan.

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Ezekiel 30:18

Magdidiklom an Tafnes kun barion ko na an kapangyarihan nin Egipto asin taposon ko na an kosog na ipinag-orgulyo niya. An Egipto matatahoban nin sarong panganoron asin mabibihag an gabos na tawo sa saiyang mga syudad.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.