Jeremias 28:11 - Marahay na Bareta Biblia

¹¹ saka nagsabi sa atubangan kan mga tawo: “An Kagurangnan nagtaram na arog kaini an gigibohon niyang pagbari sa sakal na ibinugtak ni Hadeng Nebukadnezzar sa loong kan gabos na nasyon; gigibohon niya ini sa laog nin duwang taon.” Pakasabi niya kaini, naghale ako.

Jeremias 28:11 ပူးပေါင်းရင်းမြစ်များ

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

1 Mga Hade 22:6

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

2 Mga Cronica 18:10

An saro kaini, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Ini an tataramon nin Kagurangnan: ‘Sa paagi kaini lalabanan asin dadaogon mo an mga taga Siria.’”

Mga Talinhaga 14:7

Likayan mo an lolong; mayo siya nin ikakatukdo saimo.

Jeremias 14:14

Alagad nagsimbag an Kagurangnan, “An mga propeta nagtataram nin mga kaputikan sa ngaran ko; dai ko sinda sinugo, pinagbotan, ni kinaolay man lamang. An bisyon na sinasabi ninda dai naghahale sako; an mga hula na gibo-gibo lamang ninda mayo nin halaga.

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 28:15

Sinabihan ko pa si Ananias, “Paghinanyog, Ananias! Dai ka sinugo nin Kagurangnan alagad pinapatubod mo an mga tawong ini sa sarong kaputikan.

Jeremias 29:9

Nagsasabi sinda saindo nin mga kaputikan sa ngaran ko. Dai ko sinda sinugo. Ako, an Kagurangnan nin mga hukbo, an nagtaram.’

Ezekiel 13:7

Sinasabihan ko sinda: Bakong totoo an mga bisyon na nahihiling nindo asin kaputikan an mga pahayag nindo manongod sa maabot na panahon. Minasabi kamo na mga tataramon ko iyan, alagad dai ako nagtaram saindo!”