Jeremias 28:1 - Marahay na Bareta Biblia

¹ Kan taon man sanang idto, kan ikalimang bulan kan ikaapat na taon nin paghahade ni Zedekias sa Juda, kinaolay ako ni Ananias na aking lalaki ni Azzur, sarong propeta na taga Gibeon. Nasa Templo kami kaidto. Sa atubangan kan mga padi asin kan mga tawo sinabihan niya ako

Jeremias 28:1 ပူးပေါင်းရင်းမြစ်များ

1 Mga Hade 3:4

Sarong beses nagduman siya sa Gibeon tanganing magdolot nin sakripisyo, huli ta yaon duman an pinakabantog na altar. Kaidto nagdolot na siya duman nin ginatos na tinutong na atang.

2 Mga Hade 24:18

Beynte y unong taon an edad ni Zedekias kan siya magin hade sa Juda, asin onseng taon siyang naghade sa Jerusalem. An saiyang ina iyo si Hamutal na aki ni Jeremias na taga Libna.

2 Mga Cronica 36:11

Beynte y unong taon an edad ni Zedekias kan siya nagin hade sa Juda, asin onseng taon siyang naghade sa Jerusalem.

Isaias 9:15

An mga gurang asin mga ginagalangan na lalaki iyo an payo—asin an mga propeta na nagtutukdo nin kaputikan iyo an ikog!

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Jeremias 27:1

Kan pagpoon kan paghahade sa Juda ni Zedekias na aking lalaki ni Josias, tinaraman ako nin Kagurangnan

Jeremias 27:12

Isinabi ko an parehong mensahe ki Hadeng Zedekias nin Juda, “Magpasakop ka sa hade nin Babilonia. Paglingkodan mo siya asin an saiyang banwaan, dangan mabubuhay ka.

Jeremias 27:3

Dangan tinaraman ako nin Kagurangnan na magpadara nin sarong mensahe sa mga hade nin Edom, Moab, Ammon, Tiro, saka Sidon sa paagi kan saindang mga sugo na nag-arabot sa Jerusalem tanganing makipaghilingan ki Hadeng Zedekias.

Jeremias 28:11

saka nagsabi sa atubangan kan mga tawo: “An Kagurangnan nagtaram na arog kaini an gigibohon niyang pagbari sa sakal na ibinugtak ni Hadeng Nebukadnezzar sa loong kan gabos na nasyon; gigibohon niya ini sa laog nin duwang taon.” Pakasabi niya kaini, naghale ako.

Jeremias 28:17

Dangan nagadan si Ananias kan ikapitong bulan kan taon na idto.

Jeremias 28:5

Dangan sa atubangan kan mga padi saka kan mga tawo na nagtitirindog sa laog kan Templo, sinabihan ko si Ananias,

Jeremias 29:15

“Nagsasabi kamo na an Kagurangnan nagbugtak nin mga propeta diyan sa Babilonia.

Jeremias 36:12

Nagduman siya sa palasyo, sa kwarto kan sekretaryo, na pinagtiponan kan gabos na opisyal tanganing mag-orolay. Yaon duman si Elisama na sekretaryo, si Delaias na aking lalaki ni Semaias, si Elnatan na aking lalaki ni Acbor, si Gemarias na aking lalaki ni Safan, si Zedekias na aking lalaki ni Hananias, asin an iba pang mga opisyal.

Jeremias 37:13

Alagad kan mag-abot ako sa Trangkahan nin Benjamin, pinugol ako ni Irias, na aking lalaki ni Selemias saka makoapo ni Ananias; siya an pamayo kan mga bantay sa trangkahan na iyan. Nagsabi siya, “Nagdudulag ka tanganing mag-apil sa mga taga Babilonia!”

Jeremias 37:19

Ano an nangyari sa saimong mga propeta na nagsabi saimo na an hade nin Babilonia dai masalakay saimo ni kan nasyon na ini?

Jeremias 49:34

Nagtaram sako an Kagurangnan manongod sa Elam, kan magpoon sa paghahade si Zedekias sa Juda.

Jeremias 51:59

An parapamahala kan mga kagamitan kan hukbo ni Hadeng Zedekias iyo si Seraias, na aking lalaki ni Nerias saka makoapo ni Maseias. Kan ikaapat na taon kan paghahade ni Zedekias sa Juda, nag-iba si Seraias sa hade kan magduman ini sa Babilonia. Itinao ko kaidto ki Seraias an nagkapirang mga pagboot.

Ezekiel 13:6

Bakong totoo an saindang mga bisyon asin kaputikan an saindang mga kapahayagan manongod sa maabot na panahon. Minasabi sindang ipinapahayag ninda an sakong mensahe, alagad dai ko sinda sinugo. Minsan siring, naghahalat sindang magkakatotoo an saindang pahayag!

Oseas 7:3

Nagsasabi an Kagurangnan, “Dinadaya kan mga tawo an hade asin an saiyang mga opisyal huli kan saindang mga maraot na plano.

Josue 10:12

Kan aldaw na itinao nin Kagurangnan sa mga Israelita an kapangganahan sa mga Amoreo, nakipag-olay si Josue sa Kagurangnan. Sa atubang kan mga Israelita nagsabi si Josue, “Aldaw, mag-ontok ka sa tangod kan Gibeon; Bulan, mag-ontok ka sa tangod kan Kapantayan nin Aijalon.”

Josue 9:3

Alagad an ginibo ni Josue sa Jerico asin sa Ai nabaretaan kan mga Heveong taga Gibeon,