Jeremias 27:5 - Marahay na Bareta Biblia

⁵ “Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 27:5 ပူးပေါင်းရင်းမြစ်များ

Genesis 1:25

Kaya ginibo nin Dios ini gabos asin nahiling niya na ini marahay.

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Nehemias 9:22

“Pinasakop mo sainda an mga nasyon saka mga kahadean, mga dagang yaon sa saindang pagdolonan. Sinakop ninda an daga nin Hesbon, na an hade iyo si Sihon, asin an daga nin Basan, na an hade iyo si Og.

Salmo 102:25

Kaidto saimong linalang an daga; asin an kalangitan hinaman kan saimong kamot.

Salmo 96:5

An mga dios kan ibang nasyon mga dios-dios sana, alagad an kalangitan linalang nin Kagurangnan.

Exodo 20:11

Huli ta sa anom na aldaw ginibo ko an daga, an langit, an kadagatan sagkod an gabos na yaon diyan, alagad sa ikapitong aldaw, nagpahingalo ako. Kaya benendisyonan ko an Sabbath asin pinabanal iyan.

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Isaias 44:24

“Ako an Kagurangnan, an saimong paraligtas; ako an naglalang saimo. Ako an Kagurangnan, an Kaglalang kan gabos na bagay. Ako sanang saro an nag-unat kan kalangitan; kan gibohon ko an kinaban mayo sakong nagtabang.

Isaias 45:12

Ako an naggibo kan kinaban asin naglalang kan katawohan nganing mag-erok diyan. Inunat ko an kalangitan huli sa sakong kapangyarihan; pinagbobotan ko an aldaw, an bulan, asin an kabitoonan.

Isaias 48:13

An sakong kamot an nagbugtak kan pundasyon kan kinaban asin an nagbiklad kan kalangitan. Kun inaapod ko an kinaban saka an kalangitan, minadatong sinda tolos asin minatindog sa sakong atubang.

Isaias 51:13

Nalingawan na nindo an Kagurangnan na naggibo saindo, na nag-unat kan kalangitan asin nagpamugtak kan pundasyon kan kinaban? Tadaw ta mamumuhay kamong danay na takot sa kaanggotan kan mga nag-aapi saindo, kan mga andam sa pagraot saindo? Dai na makakaduta saindo an saindang kaanggotan.

Jeremias 27:4

Tinaraman ako nin Kagurangnan nin mga hukbo, an Dios nin Israel, na pagbotan sinda na iosip sa saindang mga hade na nagtaram an Kagurangnan:

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Jeremias 51:15

An daga ginibo nin Kagurangnan huli sa saiyang kapangyarihan; huli sa saiyang kadonongan linalang niya an kinaban saka ibiniklad an kalangitan.

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Daniel 4:14

Nagpahayag siya sa makosog na tingog, ‘Paloda an kahoy asin purutola an mga sanga kaiyan; rapgosa nindo an mga dahon dangan warakan an mga bunga kaiyan. Pahalea nindo an mga hayop sa irarom kaiyan asin an mga gamgam sa mga sanga.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:22

Mahal na Hade, ika an kahoy, halangkaw asin pusog. Duminakula ka nin marahay kaya nakakaabot sa langit, asin sakop kan saimong kapangyarihan an bilog na kinaban.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Mga Gibo 17:24

An Dios na naglalang kan kinaban asin kan gabos na yaon diyan, iyo an Kagurangnan kan langit saka kan daga. Dai siya nag-eerok sa mga templo na gibo nin tawo.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Deuteronomio 2:19

Harani na kamo kaiyan sa daga kan mga Ammonita, na kapagarakian ni Lot. Dai nindo sinda pagribokon o kalabanon, huli ta maski sarong pedaso kan saindang daga dai ko itatao saindo; itinao ko na iyan sainda.’” (

Deuteronomio 2:21

Dakul sindang marahay asin darakula arog sa mga Anakim. Alagad ginadan sinda nin Kagurangnan tanganing an mga Ammonita iyo na an mag-erok sa lugar ninda.

Deuteronomio 2:7

“Benendisyonan kamo nin Kagurangnan na saindong Dios sa gabos nindong gibo. Inataman niya kamo sa saindong pagparalibot sa desyerto asin inibahan niya kamo sa laog nin kwarentang taon; dai kamo nagkulang nin ano man.

Deuteronomio 2:9

Nagtaram sako an Kagurangnan, ‘Dai nindo pagribokon o kalabanon an mga Moabita, na kapagarakian ni Lot, huli ta itinao ko na sainda an daga nin Ar, asin dai ko kamo tatawan maski sarong pedaso kan saindang daga.’” (

Deuteronomio 32:8

An Kahorohalangkawe an nagtao sa mga nasyon kan saindang daga. Kan siriblagon niya an mga banwaan, asin bugtakan nin kasagkoran an mga daga, linaen na niya an mga aki ni Israel.

Deuteronomio 4:17

hayop man o gamgam,

Deuteronomio 4:25

“Maski nahaloy na kamo sa dagang idto, asin nagkaigwa na nin mga aki saka makoapo, dai nanggad kamo magkasala huli sa paggibo para saindo nin ano man na ladawan. Sarong karatan iyan sa atubang nin Kagurangnan asin makakapaanggot iyan saiya.

Deuteronomio 4:32

“Siyasaton nindo an nakaaging panahon, bago kamo namundag, poon kan lalangon nin Dios an tawo sa ibabaw nin daga; siyasaton nindo an bilog na kinaban. Nangyari na daw o nadangog na daw an dakulang ngangalasan na arog kaini?

Deuteronomio 4:35

Ipinahiling ini nin Kagurangnan saindo tanganing patotoohan saindo na siya sana an Dios asin mayo nang iba.

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’

Colosas 1:16

Huli saiya linalang nin Dios an gabos na yaon sa langit asin sa daga, magin an mga bagay na nahihiling o an dai nahihiling: mga espiritwal na linalang, mga trono, mga pamamayo, mga prinsipado, saka mga awtoridad—gabos iyan linalang huli saiya asin para saiya.

Hebreyo 1:2

Alagad sa mga huring aldaw na ini nagtaram siya sato huli sa saiyang Aki. Huli saiya linalang nin Dios an gabos asin ginibo siyang paramana kan gabos na bagay.

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”