Jeremias 27:22 - Marahay na Bareta Biblia

²² An mga kayamanan na iyan dadarahon sa Babilonia saka magdadanay duman sagkod na mangnohon ko giraray iyan. Dangan ibabalik ko an mga kayamanan saka ibubugtak sa lugar na ini. Ako, an Kagurangnan, an nagtaram.”

Jeremias 27:22 ပူးပေါင်းရင်းမြစ်များ

2 Mga Hade 25:13

Rinonot kan mga taga Babilonia an mga bronseng harigi, an mga kariton sa Templo asin an dakulang bronseng tangke, dangan dinara ninda sa Babilon an bronse.

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Esdras 1:11

An bilang kan mga kagamitan na ini nag-abot sa singko mil kwatro syentos; an mga ini iyo an dinara ni Sesbazzar kan maghale siya sa Babilon kaiba an mga itinapok dangan nagbalik sa Jerusalem.

Esdras 7:19

Darahon mo sa atubang nin Dios sa Jerusalem an gabos na kagamitan na itinao saimo para sa paglingkod sa Templo.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 27:21

“Hinanyoga nindo an sinasabi ko manongod sa mga kayamanan na nawalat sa Templo asin sa palasyo kan hade sa Jerusalem:

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Jeremias 32:5

Dadarahon si Zedekias sa Babilonia saka magdadanay duman sagkod na magiromdoman ko siya. Maski pa labanan niya an mga taga Babilonia, dai siya manggagana. Ako, an Kagurangnan, an nagtaram.”

Jeremias 34:2

Tinaraman ako nin Kagurangnan, an Dios nin Israel, na magduman ki Hadeng Zedekias nin Juda saka taraman ini nin siring, “Ako, an Kagurangnan, an matao kan syudad na ini sa hade nin Babilonia, asin susuloon niya an syudad.

Jeremias 34:3

Dai ka makakadulag; dadakopon ka asin itatao saiya. Makakahampang mo siya asin makakaolay, dangan maduman ka sa Babilonia.

Jeremias 34:5

Matoninong kang magagadan asin magtututong sinda nin insenso para saimo arog kan pagtutong ninda nin insenso kan ilubong ninda an saimong mga ginikanan, an mga hadeng nagkaerenot saimo. Magmomondo sinda saka magsasabi, ‘Gadan na an samong hade!’ Ako, an Kagurangnan, an nagtaram.”

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Daniel 9:2

Kan enot na taon kan saiyang paghahade, nag-adal ako kan mga banal na libro asin naghorophorop dapit sa setentang taon na magigin rumpag an Jerusalem, sosog sa itinaram nin Kagurangnan ki propeta Jeremias.