Jeremias 27:10 - Marahay na Bareta Biblia

¹⁰ Dinadaya ninda kamo asin magigin dahelan iyan tanganing iharayo kamo sa saindong daga. Aalawon ko kamo asin mapapahamak kamo.

Jeremias 27:10 ပူးပေါင်းရင်းမြစ်များ

Exodo 22:18

“Dai nindo pagtugotan na mabuhay an babaeng mangkukulam.

Jeremias 14:14

Alagad nagsimbag an Kagurangnan, “An mga propeta nagtataram nin mga kaputikan sa ngaran ko; dai ko sinda sinugo, pinagbotan, ni kinaolay man lamang. An bisyon na sinasabi ninda dai naghahale sako; an mga hula na gibo-gibo lamang ninda mayo nin halaga.

Jeremias 23:16

Nagtaram an Kagurangnan nin mga hukbo sa mga taga Jerusalem, “Dai nindo pagdangogon an mga sinasabi saindo kan mga propeta; nagtutukdo sinda saindo kan mga paglaom na mayo nin halaga. Nagtataram sinda nin mga bisyon na hale sa sadiri nindang kaisipan asin bakong hale sako.

Jeremias 23:25

Nadangog ko an sinabi kan mga propeta na nagpopropesiya nin kaputikan sa sakong ngaran saka nagsasabi na tinawan ko sinda kan sakong mensahe sa saindang mga pangatorogan.

Jeremias 27:14

Dai ka maghinanyog sa mga propeta na nagsasabi saimo na dai ka maglingkod saiya. Dinadaya ka ninda.

Jeremias 27:15

An Kagurangnan mismo an nagtaram na dai niya sinda sinugo, alagad putik na nagpopropesiya sinda sa saiyang ngaran kaya aalawon ka niya asin magagadan ka, kaiba an mga propeta na nagtataram saimo kan mga kaputikan na ini.”

Jeremias 27:16

Dangan sinabihan ko an mga padi asin an mga tawo na nagtaram an Kagurangnan nin siring: “Dai kamo maghinanyog sa mga propeta na nagsasabi na an mga kayamanan kan Templo ibabalik hale sa Babilonia. Nagpuputik sinda saindo.

Jeremias 28:11

saka nagsabi sa atubangan kan mga tawo: “An Kagurangnan nagtaram na arog kaini an gigibohon niyang pagbari sa sakal na ibinugtak ni Hadeng Nebukadnezzar sa loong kan gabos na nasyon; gigibohon niya ini sa laog nin duwang taon.” Pakasabi niya kaini, naghale ako.

Jeremias 28:16

Kaya nagsasabi mismo an Kagurangnan na hahaleon ka niya sa ibabaw kan daga. Sa taon na ini magagadan ka huli ta tinaraman mo an mga tawo na magrebelde sa Kagurangnan.”

Jeremias 32:31

Pinaanggot ako nin labi-labi kan mga tawo sa syudad na ini magpoon kan ini itinugdok. Raraoton ko ini

Jeremias 8:19

Dangoga! Sa bilog na daga nadadangog an kinurahaw kan sakong banwaan, “Mayo na daw sa Sion an Kagurangnan? Mayo na daw duman an hade nin Sion?” An Kagurangnan, an saindang hade nagsimbag, “Tadaw ta pinapaanggot nindo ako sa paagi kan pagsamba sa mga ladawan asin sa pagluhod sa mga dios-dios na dai nindo midbid saka mayo nin halaga?”

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Daniel 4:7

Dangan nag-atubang sako an gabos na parahula, salamangkero, madonong, asin astrologo. Inosip ko sainda an sakong pangatorogan alagad dai ninda iyan ikinapaliwanag.

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,