Jeremias 26:5 - Marahay na Bareta Biblia

⁵ asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

Jeremias 26:5 ပူးပေါင်းရင်းမြစ်များ

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 24:2

An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

2 Mga Hade 9:7

Tutunawon mo an pamilya kan kagurangnan mong hade, na aki ni Ahab tanganing mapadusahan ko si Jezebel sa panggadan kan sakong mga propeta asin kan gabos kong sorogoon.

Esdras 9:11

na itinao mo samo sa paagi kan mga propeta na saimong mga sorogoon. Sinabihan ninda kami na, “An daga na saindong lalaogon asin sasadirihon sarong maating daga. Magpoon sa sarong poro kaiyan sagkod sa saro pang poro, pano iyan nin mga tawo na naggigibo nin makauuyam na mga bagay.

Jeremias 11:7

Huli ta kan darahon ko an saindang mga ginikanan sa luwas kan Egipto, maigot ko sindang pinatanidan na kuyogon ako, asin padagos na pinapatanidan ko an mga tawo sagkod ngunyan.

Jeremias 29:19

Mangyayari ini sainda huli ta dai ninda kinuyog an mensahe na danay kong ipinapadara sainda sa paagi kan mga sorogoon kong mga propeta. Habo nanggad sindang maghinanyog.

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:25

Magpoon kan maghale sa Egipto an saindong mga ginikanan sagkod ngunyan, padagos akong nagpadara saindo kan sakong mga sorogoon, an mga propeta.

Ezekiel 38:17

Ika an sinasabi ko kaidto, kan ipahayag ko sa paagi kan mga propeta nin Israel na sakuyang mga sorogoon, na sa maabot na aldaw dadarahon ko an sarong masalakay sa Israel.” An Kagurangnan Dios an nagtaram.

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Kapahayagan 10:7

Sa oras na patanogon na kan ikapitong anghel an trompeta niya, maootob na an hilom na plano nin Dios, siring sa ipinahayag niya sa saiyang mga sorogoon na propeta.”

Kapahayagan 11:18

Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”