Jeremias 26:24 - Marahay na Bareta Biblia

²⁴ Alagad huli ta tinabangan ako ni Ahikam na aking lalaki ni Safan, dai ako ikinatao sa mga tawo tanganing gadanon.

Jeremias 26:24 ပူးပေါင်းရင်းမြစ်များ

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

2 Mga Hade 25:22

Si Gedalias na aking lalaki ni Ahikam asin makoapo ni Safan, iyo an ibinugtak ni Hadeng Nebukadnezzar nin Babilonia bilang gobernador nin Juda saka parapamahala kan mga tawong dai dinara sa Babilonia.

2 Mga Cronica 34:20

Dangan pinagbotan niya si Hilkias, si Ahikam na aking lalaki ni Safan, si Abdon na aking lalaki ni Micaias, an sekretaryo na si Safan, asin si Asaias na sorogoon kan hade,

Jeremias 29:3

Itinao ko an surat ki Elasa, na aking lalaki ni Safan, asin ki Gemarias, na aking lalaki ni Hilkias, na sinurugo ni Hadeng Zedekias nin Juda ki Hadeng Nebukadnezzar nin Babilonia. Siring kaini an laog kan sakong surat:

Jeremias 36:10

Dangan binasa ni Baruc an gabos na ipinasurat ko saiya, mantang naghihinanyog an gabos na tawo. Ginibo niya ini sa laog kan Templo, sa kwarto ni Gemarias na aking lalaki ni Safan, na sekretaryo. An kwarto niya nasa itaas na patyo na harani sa palaog kan Bagong Trangkahan kan Templo.

Jeremias 36:11

Nadangog ni Micaias, na aking lalaki ni Gemarias saka makoapo ni Safan, an mga tataramon nin Kagurangnan, na binasa ni Baruc hale sa kasuratan.

Jeremias 36:12

Nagduman siya sa palasyo, sa kwarto kan sekretaryo, na pinagtiponan kan gabos na opisyal tanganing mag-orolay. Yaon duman si Elisama na sekretaryo, si Delaias na aking lalaki ni Semaias, si Elnatan na aking lalaki ni Acbor, si Gemarias na aking lalaki ni Safan, si Zedekias na aking lalaki ni Hananias, asin an iba pang mga opisyal.

Jeremias 36:19

Tinaraman ninda siya, “Magtago kamo ni Jeremias. Dai nindo ipagpaisi maski kiisay man kun haen kamo.”

Jeremias 36:26

Dangan pinagbotan kan hade si Prinsipe Jerameel, si Seraias na aking lalaki ni Azriel saka si Selemias na aking lalaki ni Abdeel, na dakopon ako saka si Baruc na sakong sekretaryo. Alagad itinago kami nin Kagurangnan.

Ezekiel 8:11

Setentang mga kamagurangan nin Israel an idtoon duman, kaiba si Jaazanias na aking lalaki ni Safan. An lambang saro sainda may kapot na insensaryo, asin an asong hale digdi minapaitaas.

Mga Gibo 23:10

Kan nagin mainit an pasuruhay, natakot an komandante na tibaad gadanon ninda si Pablo. Kaya pinagbotan niya an mga soldados na agawon sainda si Pablo dangan ilaog sa kwartel.

Mga Gibo 27:43

Alagad boot kan opisyal ninda na iligtas si Pablo, kaya sinaway niya sinda. Nagboot siya na an mga tataong maglangoy, lumukso na sa tubig, dangan lumangoy pasiring sa baybayon;

Kapahayagan 12:16

Alagad tinabangan kan daga an babae; ibinuka kan daga an ngoso niya saka hinalon an tubig na ibinuga kan dragon.