Jeremias 26:22 - Marahay na Bareta Biblia

²² Alagad sinugo ni Hadeng Jehoiakim si Elnatan na aking lalaki ni Acbor asin an nagkapirang lalaki tanganing kuahon si Urias sa Egipto.

Jeremias 26:22 ပူးပေါင်းရင်းမြစ်များ

2 Mga Hade 22:12

Dangan pinagbotan niya si Hilkias na padi, si Ahikam na aking lalaki ni Safan, si Akbor na aking lalaki ni Micaias, an sekretaryo na si Safan, asin si Asaias na sorogoon kan hade,

2 Mga Hade 22:14

Si Hilkias, Ahikam, Akbor, Safan, asin si Asaias nagduman ki Hulda na sarong babaeng propeta na nag-erok sa bagong kabtang kan Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

Mga Talinhaga 29:12

Kun an sarong pamayo maghinanyog sa kaputikan, magigin putikon an gabos niyang opisyal.

Jeremias 29:3

Itinao ko an surat ki Elasa, na aking lalaki ni Safan, asin ki Gemarias, na aking lalaki ni Hilkias, na sinurugo ni Hadeng Zedekias nin Juda ki Hadeng Nebukadnezzar nin Babilonia. Siring kaini an laog kan sakong surat:

Jeremias 36:12

Nagduman siya sa palasyo, sa kwarto kan sekretaryo, na pinagtiponan kan gabos na opisyal tanganing mag-orolay. Yaon duman si Elisama na sekretaryo, si Delaias na aking lalaki ni Semaias, si Elnatan na aking lalaki ni Acbor, si Gemarias na aking lalaki ni Safan, si Zedekias na aking lalaki ni Hananias, asin an iba pang mga opisyal.

Jeremias 36:25

Maski nakimaherak sa hade si Elnatan, si Delaias, asin si Gemarias na dai pagsuloon an kasuratan, dai sinda dinangog kan hade.

Ezekiel 8:11

Setentang mga kamagurangan nin Israel an idtoon duman, kaiba si Jaazanias na aking lalaki ni Safan. An lambang saro sainda may kapot na insensaryo, asin an asong hale digdi minapaitaas.