Jeremias 26:20 - Marahay na Bareta Biblia

²⁰ Igwa kaidto nin saro pang lalaki, si Urias na aking lalaki ni Semaias na taga Kiriat-Jearim, na nagpropesiya laban sa syudad na ini asin sa nasyon, arog kan ginibo ni Jeremias.

Jeremias 26:20 ပူးပေါင်းရင်းမြစ်များ

1 Mga Hade 18:10

Sa ngaran kan buhay na Kagurangnan na saimong Dios, minasumpa ako na ipinahanap ka kan hade sa lambang daga sa kinaban. Kun an pamayo kan daga minapahayag na mayo ka na sa saiyang daga, pinapasumpa ni Ahab an pamayong idto na dai ka mananggad manumpongan.

2 Mga Hade 23:37

Ginibo niya an maraot sa atubangan kan Kagurangnan huli ta sinunod niya an paarog kan saiyang mga ginikanan.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 36:19

Tinaraman ninda siya, “Magtago kamo ni Jeremias. Dai nindo ipagpaisi maski kiisay man kun haen kamo.”

Josue 15:60

Kairiba man an Kiriat-baal (o Kiriat-jearim) asin an Rabba: duwang syudad, kaiba an mga banwa sa palibot kan mga iyan.

Josue 18:14

Dangan minaliwat nin direksyon an pagdolonan, minaliko sa habagat hale sa solnopan kan bukid asin minaduman sa Kiriat-baal (o Kiriat-jearim), na sakop kan tribu ni Juda. Iyo ini an pagdolonan sa solnopan.

Josue 9:17

Kaya nagralakaw an mga Israelita asin pakalihis nin tolong aldaw, nakaabot sinda sa mga syudad na pinag-eerokan kan mga tawong idto: sa Gibeon, Kefira, Beerot asin Kiriat-jearim.

1 Samuel 6:21

Kaya nagpadara sinda nin mga sugo sa mga taga Kiriat-jearim tanganing magsabi, “Ibinalik na kan mga Filisteo an Kaban nin Tipan. Magdigdi kamo asin kuahon nindo ini.”

1 Samuel 7:2

Nag-ontok sa Kiriat-jearim an Kaban nin tipan nin Kagurangnan sa halawig na panahon, mga beynteng taon. Sa panahon na idto, nag-agrangay sa Kagurangnan an gabos na Israelita.