Jeremias 26:11 - Marahay na Bareta Biblia

¹¹ Dangan tinaraman kan mga padi asin kan mga propeta an mga lider saka mga tawo, “Maninigong hatolan nin kagadanan an tawong ini huli ta nagtaram siya laban sa satong syudad siring sa nadangog nindo.”

Jeremias 26:11 ပူးပေါင်းရင်းမြစ်များ

Jeremias 18:23

Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 26:16

Dangan tinaraman kan mga lider asin kan mga tawo an mga padi saka an mga propeta, “An lalaking ini dai maninigong padusahan nin kagadanan huli ta nagtaram siya sato sa ngaran nin Kagurangnan na satong Dios.”

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Mateo 26:66

Ano an paghona nindo?” Nagsimbag sinda, “Dapat siyang gadanon.”

Juan 18:30

Nagsimbag sinda, “Kun bakong parakasala an tawong ini, dai mi kutana siya dinara saimo.”

Juan 19:7

Nagsimbag an mga tawo, “Sosog sa samong katogonan, dapat siyang magadan, huli ta nagsabi siyang Aki siya nin Dios.”

Mga Gibo 22:22

Naghinanyog an mga tawo ki Pablo, alagad pakataram niya kaini nagpoon sindang magkurahaw, “Gadanon siya! Dai siya dapat na mabuhay!”

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Hukom 6:30

Kaya sinabihan ninda si Joas, “Iluwas mo digdi an saimong aki tanganing samong gadanon! Ginaba niya an altar ni Baal asin pinalod an simbolo ni Asera sa kataed kaiyan.”