Jeremias 25:9 - Marahay na Bareta Biblia

⁹ ‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 25:9 ပူးပေါင်းရင်းမြစ်များ

2 Mga Hade 24:2

An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

2 Mga Cronica 29:8

Kaya an kaanggotan nin Kagurangnan uminabot sa Juda saka sa Jerusalem, asin an ginibo niya sa mga ini nagin sarong bagay na pinagtakotan, nginalasan saka ikinasopog nin lambang saro, siring sa nahiling nindo.

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 13:3

Pinaluwas na nin Kagurangnan an saiyang mapaabaw-abaw saka makokosog na mga soldados tanganing makilaban sa sarong banal na gera asin padusahan an saiyang mga naaanggotan.

Isaias 39:7

Dadarahon man duman an nagkapira kan saimong aking lalaki asin gigibohon na eunuko na maglilingkod sa palasyo kan hade nin Babilonia.”

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Jeremias 1:14

Nagtaram siya sako, “Hale sa amihan, an karatan mabulos sa gabos na nag-eerok sa dagang ini,

Jeremias 1:15

huli ta aapodon ko an gabos na kahadean sa amihan na magdigdi. An mga hade ninda mabugtak kan saindang mga trono sa mga trangkahan nin Jerusalem saka sa palibot kan mga kudal kaini. Siring man an gigibohon ninda sa palibot kan gabos na syudad nin Juda.

Jeremias 10:22

Paghinanyog! Igwang nag-abot na bareta! Igwa nin dakulang karibokan sa sarong nasyon sa amihan; an saindang hukbo iyo an maraot kan mga syudad nin Juda asin ini magigin sarong desyerto, sarong lugar saen pag-eerokan kan mga lalaw na ayam.”

Jeremias 12:14

Nagtataram an Kagurangnan, “Igwa ako nin sasabihon manongod sa mga kataed nin Israel na nagraot kan daga na sakong itinao sa banwaan kong Israel. Hahaleon ko an mga maraot na tawong iyan sa sadiri nindang daga na garo ginabot na tinanom, asin ililigtas ko sa sainda an Juda.

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 2:15

Nag-urungal sinda saiya na garo mga leon; ginibo nindang desyerto an saiyang daga, asin rinaot ninda an saiyang mga banwa, kaya mayo na nin nag-erok duman.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 25:8

“Kaya, huli ta habo kamong maghinanyog saiya, an Kagurangnan nin mga hukbo nagsasabi,

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 35:11

Alagad kan sakopon ni Hadeng Nebukadnezzar an dagang ini, nagduman kami sa Jerusalem tanganing makalikay sa mga hukbo kan Babilonia saka Siria. Ini an dahelan kun tadaw ta nag-eerok kami sa Jerusalem.”

Jeremias 36:2

“Kumua ka nin suratan asin isurat mo an gabos na sinabi ko saimo manongod sa Israel, sa Juda saka sa gabos na nasyon. Isurat mo an gabos na itinaram ko saimo magpoon kan enot takang kaolayon, kan si Josias iyo an hade, sagkod ngunyan na aldaw,

Jeremias 36:29

Pinagbotan ako nin Kagurangnan na taraman an hade nin siring, “Sinulo mo an kasuratan, asin hinapot mo si Jeremias kun tadaw ta sinurat niya na maabot an hade nin Babilonia, raraoton an dagang ini, asin gagadanon an mga tawo saka hayop.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 40:2

Isiniblag ako kan pinakahalangkaw na opisyal saka sinabihan, “An Kagurangnan na saimong Dios nagpatanid nin karatan sa dagang ini,

Jeremias 43:10

Dangan taraman mo sinda na ako, an Kagurangnan nin mga hukbo, an Dios nin Israel, iyo an madara sa lugar na ini sa sorogoon kong si Hadeng Nebukadnezzar nin Babilonia, asin ibubugtak niya an saiyang trono sa ibabaw kan mga gapo na ilinubong mo saka ibibiklad niya an saiyang tolda sa ibabaw kaiyan.

Jeremias 46:20

An Egipto garo sarong magayon na baka, na sinalakay nin sarong mangangagat na langaw, na hale sa amihan.

Jeremias 49:19

Arog sa sarong leon na minaluwas sa kadlagan kan Jordan asin minapasiring sa berdeng dagang pasabsaban, maabot ako dangan bigla kong papadulagon an mga taga Edom hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Ezekiel 12:20

An mga syudad na ngunyan pano nin mga tawo matutunaw asin an daga magigin sarong kalangtadan. Dangan maaaraman ninda na ako an Kagurangnan.”

Ezekiel 16:40

“Madara sinda nin sarong hukbo na magapo saimo, asin pepedasohon ka ninda kan saindang mga espada.

Ezekiel 21:11

Pinapakintab an espada tanganing andamon sa paggamit. Pinatarom iyan asin pinakintab, tanganing itao sa kamot kan paragadan.

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Ezekiel 36:5

“Ako, an Kagurangnan Dios, nagtataram sa maimon kong kaanggotan laban sa mga nasyon sa palibot, asin sa bilog na Edom. Pano nin kaogmahan saka pagtuyatuya na sinakop ninda an sakong daga dangan sinamsaman.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Habakkuk 1:17

Gagamiton daw ninda sagkod pa man an saindang mga espada asin magpapadagos sinda sa mayong herak na panraraot nin mga nasyon?

Deuteronomio 28:37

Sa mga daga na pagdadarahan saindo nin Kagurangnan, pagngangalasan kamo, pag-oolay-olayan asin pagngingisihan.