Jeremias 25:5 - Marahay na Bareta Biblia

⁵ Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 25:5 ပူးပေါင်းရင်းမြစ်များ

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Salmo 139:24

Hilinga kun igwa nin karatan, asin daraha ako sa dalan na daing kasagkoran.

Salmo 37:27

Talikodan an karatan asin maggibo nin karahayan, tanganing padagos na mag-erok sa daga an saindong kapagarakian.

Isaias 1:16

Maghanaw ka; maglinig ka kan saimong sadiri; halea an maraot mong mga gibo sa atubang ko; mag-ontok ka sa paggibo nin karatan,

Jeremias 17:25

Dangan malaog sa mga trangkahan nin Jerusalem an saindang mga hade saka mga prinsipe na igwa nin kapangyarihan na pareho kan ki David. Kaiba kan mga taga Juda saka mga taga Jerusalem malunad sinda sa mga karwahe saka sa mga kabayo, asin an syudad nin Jerusalem magdadanay na pano nin tawo.

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 4:1

An Kagurangnan nagtataram, “Banwaan nin Israel, kun kamo mabalik, magbalik kamo sako. Kun haleon nindo an mga ladawan na kinakaongisan ko saka maogmang magmaimbod kamo sako,

Jeremias 7:7

Kun magbago kamo, papaerokon ko kamo digdi sa daga na itinao ko sa mga ginikanan nindo bilang pamana sagkod lamang.

Ezekiel 18:30

“Kaya ako, an Kagurangnan Dios, an mahukom sa saindong mga Israelita, sosog sa mga ginibo nindo. Magtalikod na kamo sa gabos nindong kasalan, asin dai kamo magtugot na matunaw kamo huli kan saindong kasombikalan.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Mga Gibo 26:20

Naghulit ako, enot sa Damasco, sunod sa Jerusalem dangan sa bilog na rehiyon nin Judea. Naghulit man ako sa mga pagano, tanganing magbakle saka magbalik sinda sa Dios, asin ipahiling sa gibo na sinda nagbakle.