Jeremias 25:35 - Marahay na Bareta Biblia

³⁵ Mayo na nin paagi tanganing makadulag kamo.

Jeremias 25:35 ပူးပေါင်းရင်းမြစ်များ

An Libro ni Job 11:20

Alagad mahaharap an mga mata kan mga maraot; dai ninda makukua na dalan pasiring sa kaligtasan, asin an saindang magigin paglaom iyo an pagdatong kan kagadanan.”

Salmo 142:4

Nagkiling ako sa too ko, alagad mayo nin matabang sako. Mayo nin masurog sako, mayo nin nagmamakulog sako.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 25:36

Mag-aguro saka magkurahaw kamo sa kasakitan huli ta sa kaanggotan nin Kagurangnan ginaba niya an saindong nasyon saka binayaan niyang raot an matoninong nindong daga.

Jeremias 32:4

asin dai makakadulag si Hadeng Zedekias. Itatao siya sa hade nin Babilonia; makakahampang niya ini asin makakaolay.

Jeremias 34:3

Dai ka makakadulag; dadakopon ka asin itatao saiya. Makakahampang mo siya asin makakaolay, dangan maduman ka sa Babilonia.

Jeremias 37:17

Sarong aldaw ipinaapod ako ni Hadeng Zedekias, asin duman sa palasyo hilom na hinapot niya ako, “Igwa ka nin mensahe hale sa Kagurangnan?” Nagsimbag ako, “Igwa. Itatao ka sa hade nin Babilonia.”

Jeremias 38:18

Alagad kun dai ka magsuko, itatao an syudad na ini sa mga taga Babilonia. Susuloon ninda ini, asin dai ka makakadulag sainda.”

Jeremias 38:23

Nagsabi pa ako, “Dadarahon kan mga taga Babilonia an gabos mong agom saka aki; dai ka makakadulag sainda. Dadarahon ka bilang sarong bihag kan hade nin Babilonia, asin susuloon an syudad na ini.”

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?

Ezekiel 17:18

Linapas niya an saiyang panuga asin an tipan na ginibo niya. Ginibo niya an mga ini, asin ngunyan dai siya makakadulag.”

Daniel 5:30

Kan banggi man sanang idto ginadan si Belsazzar, an hade nin Babilonia;

Amos 2:14

Dai makakaligtas maski an pinakamarikas na paradalagan; mawawaraan nin kosog an makokosog na mga lalaki, asin dai ikakaligtas kan mga soldados maski an saindang buhay.