Jeremias 25:33 - Marahay na Bareta Biblia

³³ Sa aldaw na iyan, magkakawararak magpoon sa sarong poro kan daga sagkod sa ibong na poro an mga bangkay kan mga tawong ginadan nin Kagurangnan. Dai sinda tatangisan, titiponon saka ilulubong; magigin sinda garo tambak nin odo sa ibabaw kan daga.

Jeremias 25:33 ပူးပေါင်းရင်းမြစ်များ

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

Salmo 79:3

Pinabulos ninda siring sa tubig an dugo kan saimong banwaan; nagbulos na garo tubig sa bilog na Jerusalem, asin mayong nawalat na malubong kan mga gadan.

Salmo 83:10

Dinaog mo sinda duman sa Endor, asin an saindang mga bangkay nalapa sa daga.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Ezekiel 21:11

Pinapakintab an espada tanganing andamon sa paggamit. Pinatarom iyan asin pinakintab, tanganing itao sa kamot kan paragadan.

Ezekiel 29:4

Bubugtakan ko nin banwit an saimong salang asin papadukoton ko sa saimong mga kiskis an mga sira sa salog. Dangan hahawason taka sa Nilo, kaiba an mga sira na nakadukot saimo.

Ezekiel 29:5

Ika asin an mga sira itatapok ko sa kalangtadan. An hawak mo mabagsak sa daga, babayaan diyan asin dai ilulubong. Itatao ko iyan sa mga gamgam saka mga hayop bilang kakanon.

Sofonias 2:12

Gagadanon man nin Kagurangnan an mga taga Etiopia.

Kapahayagan 11:9

Sa laog nin tolo may kabangang aldaw, an mga tawong hale sa gabos na nasyon, tribu, lengwahe asin rasa mahiling kan saindang mga bangkay saka dai ninda itutugot na ilubong iyan.