Jeremias 25:30 - Marahay na Bareta Biblia

³⁰ “Jeremias, dapat na ipahayag mo an lambang sinabi ko. Taraman mo nanggad an mga tawong ini, ‘An Kagurangnan maghahagubohob hale sa langit asin magdadaguldol hale sa kaitaasan nin langit. Maghahagubohob siya laban sa saiyang banwaan; magkukurahaw siya arog kan sarong tawo na nagtitimaktimak kan mga ubas. An lambang saro sa daga makakadangog saiya,

Jeremias 25:30 ပူးပေါင်းရင်းမြစ်များ

2 Samuel 15:25

Dangan sinabihan kan hade si Zadok, “Ibalik nindo an Kaban nin Tipan sa syudad. Kun nawiwilihan ako nin Kagurangnan, tutugotan niya akong makabalik tanganing mahiling ko iyan giraray asin an lugar na namumugtakan kaiyan.

1 Mga Hade 9:3

Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

2 Mga Cronica 30:27

Dangan hinagad sa Kagurangnan kan mga padi asin kan mga Levita na bendisyonan an banwaan. Sa langit na saiyang erokan nadangog dangan inako nin Dios an saindang pamibi.

Salmo 11:4

An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

Salmo 132:14

“Ini iyo an sakuyang pahingaloan sagkod pa man; digdi ako maerok, huli ta ini an sakong kamawotan.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 58:5

tanganing dai madangog an tingog kan paragayuma o kan tusong salamangkero.

Salmo 78:65

Dangan nagmata an Kagurangnan, na garo nagkatorog; arog sa sarong makosog na lalaking nagkukurahaw huli sa arak.

Isaias 16:9

Ngunyan naghihibi ako para sa mga balagon nin Sibma siring na ako naghihibi para sa Jazer. Nagtatagdo an sakong mga luha para sa Hesbon asin Eleale, huli ta mayo nang aanihon na makakapaogma sa mga tawo.

Isaias 33:3

Kun nakikilaban ka para samo, nadurulag an mga nasyon na samong kaiwal,

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Jeremias 17:12

An satong Templo arog sa mamuraway na trono, na nagtitindog sa halangkaw na bukid magpoon pa kaidto.

Jeremias 25:38

Binayaan nin Kagurangnan an saiyang banwaan arog kan pagbaya nin sarong leon sa saiyang lungib. Nagin desyerto an daga huli sa karingisan nin gera asin huli sa labi-labing kaanggotan nin Kagurangnan.

Jeremias 48:33

Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Amos 1:2

Nagsabi si Amos, “Nagtataram sa makosog na tingog an Kagurangnan hale sa Bukid nin Sion; nagdadaguldol an saiyang tingog hale sa Jerusalem. Naaalang an mga pasabsaban, asin naluluyos an mga doot sa Bukid nin Carmelo.”

Amos 3:8

Siisay an dai natatakot kun minaungal an sarong leon? Siisay an dai minapahayag kan mensahe kan Kagurangnan Dios kun siya nagtataram?

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Deuteronomio 26:15

Hale sa langit na saimong pinag-eerokan, dungawon mo asin bendisyonan an Israel na saimong banwaan saka an dagang ini na mayaman sa gabos na bagay, daga na itinao mo samuya siring sa ipinanuga mo sa samong mga ginikanan.’

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.