Jeremias 25:3 - Marahay na Bareta Biblia

³ “Sa laog nin beynte y tres na taon, magpoon kan ikatreseng taon kan paghahade sa Juda ni Josias na aking lalaki ni Amon sagkod sa aldaw na ini, nagtaram sako an Kagurangnan, asin dai ako nagpabaya sa pagsabi saindo kan itinaram niya. Alagad dai kamo naghinanyog.

Jeremias 25:3 ပူးပေါင်းရင်းမြစ်များ

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

1 Mga Hade 22:3

Naghapot si Ahab sa mga opisyal niya, “Tadaw ta mayo kita nin ginigibong anoman tanganing mabawi an Ramot-gilead sa hade nin Siria? Sadiri ta iyan!”

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Cronica 24:19

Nagpadara siya sainda nin mga propeta tanganing patanidan sinda na magbalik saiya, alagad habo sindang maghinanyog.

2 Mga Cronica 34:1

Walong taon an edad ni Josias kan siya magin hade nin Juda, asin treynta y unong taon siyang naghade sa Jerusalem.

2 Mga Cronica 34:3

Sa ikawalong taon kan paghahade ni Josias, maski hoben pa siya, nagpoon siyang magsamba sa Dios nin saiyang ginikanan na si David. Pakalihis nin apat na taon, pinonan niyang haleon sa Juda saka sa Jerusalem an paganong mga lugar na pagsasambahan kan mga dios-dios asin an mga tanda kan diosang si Asera pati an inukit saka tinunaw na mga imahen.

2 Mga Cronica 34:8

Kan ikadyes y otsong taon nin saiyang paghahade, pakatapos na malinigan niya an daga asin an Templo sa paagi kan pag-ontok kan pagsamba sa mga dios-dios, nagsugo si Josias nin tolong lalaki tanganing hirahayon an Templo nin Kagurangnan na saiyang Dios. An mga lalaking ini iyo si Safan na aking lalaki ni Azalias, si Maaseias na gobernador nin Jerusalem saka si Joa na aking lalaki ni Joahaz, na sarong halangkaw na opisyal.

2 Mga Cronica 36:15

An Kagurangnan, an Dios kan saindang mga ginikanan, danay na nagsugo nin mga propeta tanganing patanidan sinda, huli ta boot niyang iligtas sinda saka an Templo.

Salmo 81:13

Kun magdangog kuta sako an sakong banwaan; kun magsunod kuta an Israel sa sakong mga dalan!

Exodo 8:20

Nagtaram an Kagurangnan ki Moises, “Sa agang amay magduman ka sa salog. Sabaton mo an hade sa pagduman niya sa salog dangan sabihan mo siya na nagtaram an Kagurangnan, ‘Tugotan mong humale an sakuyang banwaan tanganing makapagsamba sinda sako.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Jeremias 1:2

Kinaolay siya nin Kagurangnan kan ikatreseng taon nin paghahade sa Juda ni Josias, na aking lalaki ni Ammon.

Jeremias 11:7

Huli ta kan darahon ko an saindang mga ginikanan sa luwas kan Egipto, maigot ko sindang pinatanidan na kuyogon ako, asin padagos na pinapatanidan ko an mga tawo sagkod ngunyan.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 22:21

Nagtaram saindo an Kagurangnan kan mauswag pa an saindong pamumuhay, alagad habo kamong maghinanyog. Iyo na iyan an gibo nindo poon kan kamo aki pa; dai nanggad kamo nagkuyog sa Kagurangnan.

Jeremias 25:4

Habo kamong magdangog ni magkuyog, maski nagpadagos sa pagpadara an Kagurangnan kan saiyang mga sorogoon, an mga propeta.

Jeremias 26:5

asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

Jeremias 29:19

Mangyayari ini sainda huli ta dai ninda kinuyog an mensahe na danay kong ipinapadara sainda sa paagi kan mga sorogoon kong mga propeta. Habo nanggad sindang maghinanyog.

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 35:14

An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 36:1

Kan ikaapat na taon kan paghahade sa Juda ni Jehoiakim, na aking lalaki ni Josias, nagtaram sako an Kagurangnan,

Jeremias 36:2

“Kumua ka nin suratan asin isurat mo an gabos na sinabi ko saimo manongod sa Israel, sa Juda saka sa gabos na nasyon. Isurat mo an gabos na itinaram ko saimo magpoon kan enot takang kaolayon, kan si Josias iyo an hade, sagkod ngunyan na aldaw,

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:25

Magpoon kan maghale sa Egipto an saindong mga ginikanan sagkod ngunyan, padagos akong nagpadara saindo kan sakong mga sorogoon, an mga propeta.

Ezekiel 33:4

An siisay man na makadangog kaiyan dangan dai magpahalaga sa patanid na iyan, magagadan pag-abot kan kaiwal; siya an babasolon sa saiyang pagkagadan.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Markos 1:35

Kan sunod na aldaw, haloy pa bago magsirang an aldaw, nagbangon na si Jesus dangan naghale sa harong. Nagpasiring siya sa lugar na mayong tawo dangan namibi duman.

Juan 8:2

Pagkaagang amay, nagbalik si Jesus sa Templo. Pinagtiriponan siya kan mga tawo; nagtukaw siya saka tinukdoan sinda.

Juan 8:47

An hale sa Dios naghihinanyog kan mga tataramon nin Dios; dai kamo naghihinanyog, huli ta bako kamong hale sa Dios.”

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.