Jeremias 25:11 - Marahay na Bareta Biblia

¹¹ An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 25:11 ပူးပေါင်းရင်းမြစ်များ

2 Mga Cronica 36:20

An mga natadang buhay dinara niya sa Babilonia bilang mga bihag, asin nagin mga oripon niya saka kan saiyang mga kapagarakian, sagkod kan pagkosog kan Imperyo nin Persia.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Jeremias 25:12

Pakatapos kaiyan papadusahan ko an Babilonia asin an saiyang hade huli kan saindang kasalan. Rurumpagon ko an nasyon na iyan saka papabayaan na raot sagkod lamang.

Jeremias 25:38

Binayaan nin Kagurangnan an saiyang banwaan arog kan pagbaya nin sarong leon sa saiyang lungib. Nagin desyerto an daga huli sa karingisan nin gera asin huli sa labi-labing kaanggotan nin Kagurangnan.

Jeremias 27:22

An mga kayamanan na iyan dadarahon sa Babilonia saka magdadanay duman sagkod na mangnohon ko giraray iyan. Dangan ibabalik ko an mga kayamanan saka ibubugtak sa lugar na ini. Ako, an Kagurangnan, an nagtaram.”

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Jeremias 28:14

Nagtaram an Kagurangnan nin mga hukbo, an Dios nin Israel, na bubugtakan niya nin lansang na sakal an gabos na nasyon na ini asin maglilingkod sinda ki Hadeng Nebukadnezzar nin Babilonia. Sinabi nin Kagurangnan na papaglingkodon niya ki Nebukadnezzar maski an mga lalaw na hayop.”

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Jeremias 4:26

An matubang na daga nagin nang desyerto; raot an gabos na syudad kaiyan huli kan labi-labing kaanggotan nin Kagurangnan. (

Jeremias 4:27

Nagtaram an Kagurangnan na an bilog na daga magigin sarong kalangtadan, alagad dai niya iyan raraoton nanggad.)

Jeremias 43:10

Dangan taraman mo sinda na ako, an Kagurangnan nin mga hukbo, an Dios nin Israel, iyo an madara sa lugar na ini sa sorogoon kong si Hadeng Nebukadnezzar nin Babilonia, asin ibubugtak niya an saiyang trono sa ibabaw kan mga gapo na ilinubong mo saka ibibiklad niya an saiyang tolda sa ibabaw kaiyan.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Ezekiel 12:19

Sabihan mo an bilog na nasyon na iyo ini an mensahe kan Kagurangnan Dios para sa banwaan nin Jerusalem, na nag-eerok pa sa saindang daga. Magtatakig sinda mantang nagkakakan asin magkokobogkobog sa takot mantang nag-iinom. Huhubaan an saindang daga, huli sa kadahasan kan mga nag-eerok duman.

Ezekiel 29:11

Mayo nang maagi diyan maski tawo o hayop. Sa laog nin kwarentang taon, mayo nin maerok diyan.

Ezekiel 6:14

Uunaton ko an sakong kamot laban sainda. An saindang daga raraoton ko asin gigibohon na mamondo, magpoon sa kalangtadan sa habagat sagkod sa syudad nin Ribla sa amihan; mayo akong papaligtason sa arin man na lugar na pinag-eerokan kan mga Israelita. Dangan maaaraman kan gabos na ako an Kagurangnan.”

Daniel 9:2

Kan enot na taon kan saiyang paghahade, nag-adal ako kan mga banal na libro asin naghorophorop dapit sa setentang taon na magigin rumpag an Jerusalem, sosog sa itinaram nin Kagurangnan ki propeta Jeremias.

Levitico 26:32

Raraoton ko nanggad an saindong daga kaya ngangalasan kan saindong mga kaiwal na masakop kaiyan an siring na kamugtakan.

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

Zacarias 7:5

Nagsabi siya, “Taraman mo an mga tawo asin an mga padi na kan nag-ayuno saka nagmondo sinda sa ikalima saka ikapitong bulan sa laog nin setentang taon, bakong ako an saindang tinawan nin onra.