Jeremias 25:10 - Marahay na Bareta Biblia

¹⁰ Paparaon ko sa sainda an mga tingog nin kaogmahan asin kagayagayahan, an maogmang tingog kan mga bagong kasal, an paggiling nin trigo, asin an liwanag kan ilaw.

Jeremias 25:10 ပူးပေါင်းရင်းမြစ်များ

Esther 3:13

An mga surat na ini dinara kan mga sinugo sa lambang probinsya kan imperyo. An laog kan mga surat iyo an pagboot na gadanon an gabos na Judio, hoben saka gurang, mga babae sagkod mga aki, sa laog nin sarong aldaw, sa ikatreseng aldaw nin Adar. Daing herak sindang gagadanon asin sasamsaman kan saindang pagsadiri.

Esther 7:4

Ako asin an sakong mga kahimanwa ipinabakal tanganing gadanon. Kun kami ipinabakal sana nganing magin oripon, dai na ako naggirong, huli ta an samong kasakitan dai pwedeng ipantay sa kapurisawan kan hade; alagad madali na kaming gadanon—puhoon!”

Esther 8:11

An mga surat na ini nagpahayag na an hade minatugot sa mga Judio sa lambang syudad na magtiripon asin depensahan an saindang buhay, na gadanon saka puhoon an mga armadong lalaki sa arin man na banwa o probinsya na masalakay sainda asin sa saindang mga agom saka mga aki, asin samsamon an pagsadiri kan mga kaiwal.

Isaias 47:2

Patalibonga an gilingan! Paggiling nin arina! Halea an saimong belo! Hubaa an magayon mong gubing! Itaasan an gayad kan saimong gubing sa pagbalyo mo nin mga salog.

Jeremias 16:9

Ako an Kagurangnan nin mga hukbo, an Dios nin Israel; hinanyoga an sakong sasabihon: Paoontokon ko sa lugar na ini an mga tingog nin kaogmahan asin kagayagayahan saka an maogmang tingog kan mga bagong kasal. An pagkaotob kan mga bagay na ini mahihiling kan mga tawo digdi.

Jeremias 48:33

Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Jeremias 7:34

An daga magigin sarong desyerto. Sa mga syudad nin Juda saka sa mga tinampo nin Jerusalem paoontokon ko an mga tingog nin kaogmahan asin kagayagayahan. Paoontokon ko an maogmang tingog nin mga bagong kasal.

Mga Panambitan 5:15

Naontok na an kaogmahan kan samong mga puso; an samong mga pagsayaw nagi nang mga pagmondo.

Ezekiel 26:13

Oontokon ko an saimong mga awit, asin dai na madadangog an tanog kan saimong mga lira.

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.