Jeremias 24:2 - Marahay na Bareta Biblia

² An sarong basket igwa nin laog na mararahay na higera, na enot na naghirinog; an saro pang basket igwa nin laog na ralapang higera, na dai pwedeng kakanon huli ta nalapa nang marahay.

Jeremias 24:2 ပူးပေါင်းရင်းမြစ်များ

Isaias 5:4

Ano pa an dapat kong gibohon para sa sakong ubasan, na dai ko ginibo? Kan maghanap ako nin mahamis na ubas, tano ta maalsom an ubas na ibinunga kaiyan?

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 29:17

An Kagurangnan nin mga hukbo nagsasabi, ‘Papadarahan ko sinda nin gera, gutom, asin peste; iaarog ko sinda sa ralapang higera na dai na pwedeng kakanon.

Oseas 9:10

Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Nahum 3:12

An saimong mga bantayan makakaagid sa mga poon nin higera na hinog na an bunga: yugyoga an poon, asin mahuhulog an bunga sa ngoso kan makakan!

Mga Bilang 18:13

An gabos na iyan magigin saimo. Pwedeng kumakan kaiyan an lambang malinig na kaayon kan saimong pamilya.

Mateo 5:13

“Kamo an asin kan kinaban. Kun mawaran nin asgad an asin, paano pang mapaasgad iyan? Dai na iyan nin pakinabang, kaya inaapon na sana dangan binabatayan nin mga tawo.