Jeremias 24:10 - Marahay na Bareta Biblia

¹⁰ Mapadara ako sainda nin gera, gutom, saka peste sagkod na mayo na nin matada sainda sa daga na itinao ko sainda asin sa saindang mga ginikanan.”

Jeremias 24:10 ပူးပေါင်းရင်းမြစ်များ

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

Isaias 51:19

Duwang bagay an nag-abot saimo: naraot an saimong daga huli kan gera asin nagutom an saimong namamanwaan. Mayo nin saro man na madamay saimo.

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 15:2

Kun hapoton ka ninda kun saen sinda dapat mapaduman, sabihan mo sinda na nagtaram akong: An iba sainda itinalaan nang magadan sa helang— iyan an saindang padudumanan! An iba sainda itinalaan nang magadan sa gera— iyan an saindang padudumanan! An iba sainda itinalaan nang magadan sa gutom— iyan an saindang padudumanan! An iba sainda itinalaan sa pagkabihag— iyan an saindang padudumanan!

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 19:7

Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 21:9

An siisay man na magdanay sa syudad magagadan sa gera, sa gutom asin sa peste. Alagad an siisay man na magluwas sa syudad saka magsuko sa mga taga Babilonia, na nagsasalakay ngunyan sa syudad, dai magagadan; ikakaligtas niya an saiyang buhay.

Jeremias 27:8

“Alagad kun dai maglingkod ki Nebukadnezzar na hade nin Babilonia an arin man na nasyon o kahadean, asin dai magpairarom sa saiyang kapangyarihan, papadusahan ko an nasyon na iyan sa paagi nin gera, gutom saka peste sagkod na dai ko pa itinutugot ki Nebukadnezzar na raoton nanggad an nasyon na iyan.

Jeremias 29:17

An Kagurangnan nin mga hukbo nagsasabi, ‘Papadarahan ko sinda nin gera, gutom, asin peste; iaarog ko sinda sa ralapang higera na dai na pwedeng kakanon.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 32:25

Alagad ika an nagsugo sako, o Kagurangnan Dios, na bakalon an oma sa atubangan kan mga saksi, maski an syudad na ini nakatalaan nang sakopon kan mga taga Babilonia.”

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 42:17

An gabos na tawo na boot nanggad na magduman saka mag-erok sa Egipto magagadan sa gera o sa gutom o sa peste. Mayo sainda nin matatada, maski saro dai makakadulag sa kasakitan na dadarahon ko sainda.’

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Jeremias 5:12

An Kagurangnan pinagnegaran kan saiyang banwaan. An sabi ninda, “Mayo siya nin gigibohon na ano man. Mayo nin karatan na maabot samo; dai kami magkakaigwa nin gera o gutom.”

Jeremias 9:15

Kaya hinanyoga an gigibohon ko, ako an Kagurangnan nin mga hukbo, an Dios nin Israel: Papakakanon ko nin mapait na tinanom an sakong banwaan asin papainomon ko sinda nin tubig na may hudong.

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Ezekiel 33:27

“Sabihan mo sinda na ini an tataramon ko, an Kagurangnan Dios: Mantang ako an Dios na buhay, magagadan sa espada an mga nag-eerok sa rumpag na mga syudad. An mga nag-eerok sa kaomahan kakakanon kan mga lalaw na hayop. An mga nagtatago sa mga kabukidan saka mga lungib magagadan sa peste.

Ezekiel 6:11

Nagtaram an Kagurangnan Dios, “Gugoma an mga kamot mo! Iparagpadag mo an saimong mga bitis! Maghibi ka sa kamondoan huli kan gabos na maraot saka makauuyam na mga bagay na ginibo kan mga Israelita. Magagadan sinda sa gera o sa gutom o sa peste.

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.

Deuteronomio 28:21

Papadarahan niya kamo nin mga peste sagkod na mayo nang matada saindo sa daga na saindong lalaogon dangan sasadirihon.

Kapahayagan 6:8

Nahiling ko an sarong kabayong malongsi. An ngaran kan nangangabayo, Kagadanan, asin nagsusunod saiya an Hades. Itinao sainda an kapangyarihan sa ikaapat na kabtang kan kinaban tanganing manggadan sa paagi nin gera, gutom, helang saka sa paagi nin lalaw na mga hayop.