Jeremias 24:1 - Marahay na Bareta Biblia

¹ Ipinahiling sako nin Kagurangnan an duwang basket nin higera na nasa atubangan kan Templo. (Ini nangyari pakatapos na mabihag ni Hadeng Nebukadnezzar si Hadeng Jehoiakin nin Juda, na aking lalaki ni Jehoiakim, kaiba an mga lider nin Juda, an mga panday saka mga ekspertong trabahador, hale sa Jerusalem pasiring sa Babilonia.)

Jeremias 24:1 ပူးပေါင်းရင်းမြစ်များ

2 Mga Hade 24:10

Kan panahon na iyan, an hukbo ni Nebukadnezzar na hade nin Babilonia nagmartsa laban sa Jerusalem asin pinalibotan ninda ini.

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Jeremias 13:19

An mga banwa sa habagat na parte nin Juda napapalibotan na; mayo na nin makakalaog duman. Dinarang bihag an gabos na taga Juda tanganing itapok.”

Jeremias 28:4

Ibabalik ko man digdi si Jehoiakin na aking lalaki ni Jehoiakim, na hade nin Juda, asin an gabos na taga Juda na ipinatapok sa Babilonia. Hahaleon ko na an kapangyarihan kan hade nin Babilonia. Ako, an Kagurangnan, an nagtaram.”

Jeremias 29:1

Nagsurat ako sa mga padi, sa mga propeta, sa mga lider kan banwaan, asin sa iba pang ipinatapok ni Nebukadnezzar sa Babilonia hale sa Jerusalem.

Jeremias 29:2

Ginibo ko ini pakatapos na ipatapok si Hadeng Jehoiakin, an saiyang ina, an mga opisyal sa palasyo, an mga lider nin Juda saka Jerusalem, an mga panday, asin an mga ekspertong trabahador.

Jeremias 37:1

Si Zedekias na aking lalaki ni Josias iyo an ibinugtak ni Hadeng Nebukadnezzar nin Babilonia na hade sa Juda, bilang kasalihid ni Jehoiakin na aking lalaki ni Jehoiakim.

Ezekiel 17:4

dangan dinara sa sarong daga nin komersyo asin sarong syudad nin mga negosyante.

Ezekiel 19:9

Ibinugtak siya ninda sa sarong hawla dangan dinara sa hade nin Babilonia. Binantayan siya ninda, tanganing an saiyang pag-ungal dai na nanggad madangog sagkod pa man sa kabukidan nin Israel.

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.

Amos 7:1

Nagkaigwa ako nin sarong bisyon na hale sa Kagurangnan Dios. Sa bisyon na iyan nahiling ko siyang naglalalang nin kadakul na doron kan naputol na an mga dagaming kahirasan kan hade, asin kan nagpopoon nang magtalubo an doot.

Amos 7:4

Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling kong nag-aandam siya sa pagpadusa kan saiyang banwaan sa paagi nin kalayo. An dakulang dagat sa irarom kan daga nagmara huli sa init kan kalayo asin nasulo na an daga.

Amos 7:7

Nagkaigwa pa ako nin sarong bisyon hale sa Kagurangnan. Sa bisyon na iyan, nahiling ko siyang nagtitindog sa kataed nin sarong lanob na ginamitan nin plumo asin may kapot siyang sarong plumo.

Zacarias 1:20

Dangan ipinahiling sako nin Kagurangnan an apat na panday na igwang kapot na mga martilyo.

Zacarias 3:1

Sa saro pang bisyon ipinahiling sako nin Kagurangnan an Halangkaw na Padi na si Josue na nagtitindog sa atubangan kan anghel nin Kagurangnan. Yaon sa kataed ni Josue si Satanas, na andam sa pagreklamo tumang ki Josue.