Jeremias 23:9 - Marahay na Bareta Biblia

⁹ Ronot na an sakong puso, saka nagtatakig ako. Huli sa Kagurangnan, huli kan banal niyang mga tataramon, garo ako sarong burat, sarong tawo na sobra an ininom na arak.

Jeremias 23:9 ပူးပေါင်းရင်းမြစ်များ

Salmo 60:3

Pinasakitan mo nin makuri an saimong banwaan; pinainom mo kami nin arak kaya kami nagsasayasay.

Salmo 69:20

An puso ko naroronot kan mga pagduhagi, kaya ako nawawaraan nin paglaom. Hinanap ko an pagkaherak, alagad mayo lamang; an mga pararanga, alagad mayo man.

Isaias 28:1

Herak man sa kahadean nin Israel! Nawawara na an saiyang kamurawayan siring sa korona nin burak sa payo kan burat niyang mga lider. Mahahamot an mga payo kan saiyang mga burat na lider, alagad naghihirigda na sinda na mayo nin pakaisi sa kaburatan.

Isaias 29:9

Magpadagos kamo sa pagigin lolong! Magpadagos kamo sa pagigin sarong buta! Magburat kamo maski mayo nin arak! Magsayasay kamo maski dai nakainom minsan sarong tagdo!

Isaias 51:21

Kamo na nagtitios sa Jerusalem, kamo na nagsasayasay na garo kamo mga burat,

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Jeremias 36:16

Pakabasa niya, takot na naghirilingan sinda asin nagsabi ki Baruc, “Kaipuhan ibareta nyamo ini sa hade.”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 8:18

An sakong kamondoan dai mabobolong, an kulog sa sakong puso sakong namamatean.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Mga Panambitan 3:15

Mapait na pagtios an itinao niya sakong pagkakan saka inomon.

Ezekiel 13:3

Ini an tataramon kan Kagurangnan Dios, “Herak man sa mga lolong na propeta na nagsusunod kan sadiri nindang espiritu asin nag-iimbento kan sadiri nindang mga bisyon.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Roma 7:9

Kaidtong mayo nin katogonan, buhay ako. Kan igwa na kan togon, nagkaigwa nin buhay an kasalan, asin ako an nagadan.