Jeremias 23:5 - Marahay na Bareta Biblia

⁵ Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 23:5 ပူးပေါင်းရင်းမြစ်များ

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

Salmo 45:4

Sa saimong kamurawayan lumuwas kang mapanggana sa pagsurog sa katotoohan asin sa katanosan! Mga dakulang panggana makakamtan mo huli kan saimong kosog!

Salmo 80:15

an banwaan na itinanom kan saimong kamot, pinatalubo sagkod na pumusog.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Isaias 33:5

Dakula nin marahay an Kagurangnan! Naghahade siya sa gabos na bagay. Papanoon niya nin hustisya saka katanosan an Jerusalem

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 42:6

“Ako, an Kagurangnan, an nag-apod saimo asin an nagtao saimo nin kapangyarihan nganing papangyarihon mo an hustisya sa kinaban. Sa paagi mo makikipagtipan ako sa gabos na banwaan; huli saimo dadarahan ko nin liwanag an mga nasyon.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Isaias 52:13

Nagsasabi an Kagurangnan, “Mag-uuswag an sakong sorogoon sa saiyang gibo; ilalangkaw siya asin gagalangan.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Isaias 53:2

Kabotan nin Kagurangnan na an saiyang sorogoon magtalubo siring sa sarong tinanom na nagkakagamot sa mamarang daga. Mayo siya nin porma o dignidad tanganing madagka kitang hilingon siya; mayo nin kagayonan tanganing mawoton ta siya.

Isaias 9:5

An mga sapatos kan minasalakay na hukbo asin an gabos nindang nadugoan na gubing susuloon siring sa igatong.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 22:15

Naghohona ka daw na saro ka nang hade huli ta nakapatugdok ka nin harong na sedro, na mas magayon ki sa ginibo nin iba? Nakamit kan saimong ama an marahay na buhay. Nagdanay siyang matanos asin onesto, kaya nag-uswag siya sa gabos niyang gibo.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 30:3

huli ta nagdadangadang na an aldaw na ibabalik ko an banwaan ko, an Israel asin an Juda, saka an saindang kayamanan. Ibabalik ko sinda sa daga na itinao ko sa mga ginikanan ninda, asin masasadirihan ninda giraray iyan. Ako, an Kagurangnan, an nagtaram.”

Jeremias 30:9

Embes kaiyan, maglilingkod sinda sako, an Kagurangnan na saindang Dios, saka sa sarong kapagarakian ni David, na patutukawon ko bilang hade.

Jeremias 31:27

“Ako, an Kagurangnan, an nagsasabi na maabot an panahon na papanoon ko nin tawo saka hayop an daga nin Israel asin Juda.

Ezekiel 21:27

Pagkarumpag, pagkarumpag! Iyo, ipaparumpag ko an syudad. Alagad dai ini mangyayari sagkod na dumatong an saro na pinili ko na igwa nin deretso sa pagpadusa sa syudad. Sa saiya itatao ko an deretsong ini.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Ezekiel 34:29

Tatawan ko sinda nin marahay na kaomahan asin tataposon ko na an gutom sa daga. Dai na sinda pagtutuyatuyaon kan mga nasyon.

Ezekiel 45:8

An loteng ini iyo an magigin kahirasan kan prinsipe nin Israel, tanganing dai na niya pag-apihon an mga tawo, kundi pababayaan na an ibang kabtang kan daga na masadirihan kan mga tribu nin Israel.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Oseas 1:11

Magkakasararo giraray an mga taga Juda saka an mga taga Israel. Mapili sinda nin saro sanang lider, asin siring sa dati, madakul sinda saka mauswag sa saindang daga. Iyo, magigin dakula an aldaw nin Jezreel!

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Mikas 5:3

Kaya papabayaan nin Kagurangnan sa saindang mga kaiwal an saiyang banwaan sagkod na umabot an panahon na an babae mangaki nin aking lalaki. Dangan an saiyang kapwa mga Israelita na itinapok mabalik sa saindang banwaan nin Israel.

Zacarias 3:8

Kaya hinanyoga Josue, ika na Halangkaw na Padi; dangoga man nindo, kamong mga kapwa niya padi, kamo na iyo an tanda kan marahay na pangyayari sa maabot na aldaw: ipapahayag ko an sakong sorogoon, na inaapod An Sanga!

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mateo 2:2

Naghapot sinda, “Haen an omboy na namundag na magigin hade kan mga Judio? Nahiling mi an saiyang bitoon sa sirangan kaya nagdigdi kami nganing sambahon siya.”

Juan 1:45

Dangan nakua ni Felipe si Natanael saka sinabihan, “Nakua mi an tawong sinabi ni Moises sa libro kan Katogonan asin sinabi man kan mga propeta. Siya si Jesus na taga Nazaret, aki ni Jose.”

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

Hebreyo 8:8

Alagad nakakua nin sala an Dios sa saiyang banwaan kan siya magsabi: “Nagdadangadang an mga aldaw, an sabi kan Kagurangnan, na makikipagtipan ako sa banwaan nin Israel, asin sa banwaan nin Juda.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.