Jeremias 23:39 - Marahay na Bareta Biblia

³⁹ pupuroton ko nanggad sinda saka itatapok sa harayo, sinda asin an syudad na itinao ko sainda saka sa saindang mga ginikanan.

Jeremias 23:39 ပူးပေါင်းရင်းမြစ်များ

Genesis 4:16

Dangan naghale si Cain sa atubang nin Kagurangnan asin nag-erok sa daga kan Nod, sa sirangan nin Eden.

Genesis 6:17

Papadarahan ko nin baha an bilog na kinaban tanganing gadanon an gabos na may buhay. Magagadan an gabos na yaon sa daga,

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

Salmo 51:11

Hare ako pagsikwalan sa atubangan mo; hare paghalea sako an banal mong Espiritu.

Mga Talinhaga 13:13

An nagsisikwal kan marahay na hatol naghahanap nin karibokan, alagad an nagkukuyog kaiyan nakakalikay sa pag-alaman.

Isaias 48:15

Ako an nagtaram asin an nag-apod saiya; ako an nangenot asin an nagtao nin kapangganahan saiya.

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Jeremias 12:7

An Kagurangnan nagsasabi, “Binayaan ko an Israel; isinikwal ko an pinili kong nasyon. An mga tawong sakong namomotan itinao ko sa saindang mga kaiwal.

Jeremias 23:33

Tinaraman ako nin Kagurangnan, “Jeremias, kun saro sa sakong banwaan o sarong propeta, o sarong padi an maghapot saimo, ‘Ano an mensahe nin Kagurangnan?’ Sabihan mo siya, ‘Saro kang pasanon nin Kagurangnan, asin isisikwal ka niya.’

Jeremias 23:38

Dangan kun dai sinda magkuyog kan sakong pagboot saka gamiton ninda an mga tataramon na ‘an pasanon nin Kagurangnan’, sabihan mo sinda na

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 36:31

Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Jeremias 52:3

An Kagurangnan naanggot sa Jerusalem saka sa Juda kaya isinikwal niya sinda. Nagrebelde si Zedekias ki Hadeng Nebukadnezzar nin Babilonia,

Jeremias 7:14

Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Jeremias 7:15

Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Mga Panambitan 5:20

Tadaw ta pinabayaan mo kami sa haloy na panahon? Magigiromdoman mo pa daw kami giraray?

Ezekiel 34:11

“Ako, an Kagurangnan Dios, an minataram saindo na ako mismo an mahanap kan sakong mga karnero asin maataman sainda,

Ezekiel 34:20

“Kaya ini an tataramon ko, an Kagurangnan Dios: Ako mismo an mahukom sa mataba saka sa maniwang na mga karnero.

Ezekiel 5:8

Kaya ako, an Kagurangnan Dios, minataram saimo na kaiwal mo ako. Huhukoman taka sa atubang kan mga nasyon.

Ezekiel 6:3

Sabihan mo an kabukidan nin Israel na magdangog sa tataramon kan Kagurangnan Dios—na magdangog sa tataramon ko, an Kagurangnan Dios, sa kabukidan asin kabubuldan, sa mga ampas saka mga kapantayan: Mapadara ako nin espada tanganing raoton an mga lugar na pinagsasambahan kan mga tawo nin mga dios-dios.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.

Levitico 26:28

sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

2 Tesalonica 1:9

Papadusahan sinda nin kapahamakan na mayong kataposan, hahaleon sa atubang nin Kagurangnan asin sa saiyang mamurawayon na kapangyarihan.