Jeremias 23:36 - Marahay na Bareta Biblia

³⁶ Kaya dai na nanggad nindo paggamiton an mga tataramon na ‘an pasanon nin Kagurangnan’, huli ta kun may maggamit kaiyan, gigibohon kong magin totoong pasanon niya an sakong mensahe. Biniko kan mga tawo an mga tataramon kan saindang Dios, an Dios na buhay, an Kagurangnan nin mga hukbo.

Jeremias 23:36 ပူးပေါင်းရင်းမြစ်များ

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Salmo 12:3

Paontoka an mga dilang putikon, Kagurangnan! Serahan mo an mga ngosong mapaabaw-abaw,

Salmo 120:3

Kamong mga madaya, ano an gigibohon nin Dios saindo? Paano an pagpadusa niya saindo?

Salmo 149:9

tanganing hukoman an mga nasyon, sosog sa pagboot nin Dios. Ini an kamurawayan para sa gabos na maimbod sa Dios. Omawon an Kagurangnan!

Salmo 64:8

Huli kan saindang dila, raraoton niya sinda; dangan makuyong-kuyong nin payo an gabos na nakakahiling sainda.

Mga Talinhaga 17:20

An may bikong kaisipan dai minauswag, asin an putikon nahuhulog sa karatan.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Jeremias 23:37

Jeremias, hapota an mga propeta, ‘Anong kasimbagan an itinao saindo nin Kagurangnan? Ano an sinabi nin Kagurangnan?’

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Mateo 12:36

“Sinasabihan ko kamo na sa Aldaw nin Paghukom an lambang saro magtatao nin kwenta kan lambang tataramon na mayong halaga na saiyang itinaram.

Lukas 19:22

Dangan sinabihan kan hade an sorogoon na ini, ‘Maraot kang sorogoon! Papadusahan taka siring sa itinaram mo! Aram mo palan na maisip ako, kinukua ko an bako kong pinagpagalan saka nag-aani kan bako kong itinanom;

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Galacia 6:5

Huli ta an lambang saro kaipuhan na magdara kan sadiri niyang pasan.

Deuteronomio 5:26

Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?

1 Tesalonica 1:9

huli ta sinda mismo an nagbabareta kun paano nindo kami inako kan dalawon mi kamo; kun paano an pagtalikod nindo sa mga dios-dios tanganing makapaglingkod kamo sa totoo saka buhay na Dios,

2 Pedro 3:16

Sa gabos na surat niya saindo dapit sa mga bagay na ini, iyan an danay niyang sinasabi. Igwa nin nagkapirang bagay sa mga surat niya na masakit saboton; ini tinatawan nin salang kahulogan kan mga mangmang saka maluluya. Siring man kaiyan an ginigibo ninda sa ibang kabtang kan mga Kasuratan, kaya sinda mismo an nagdadara nin kapahamakan sa sadiri ninda.

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.