Jeremias 23:34 - Marahay na Bareta Biblia

³⁴ Kun saro sa sakong banwaan o sarong propeta o sarong padi an maggamit kan mga tataramon na ‘an pasanon nin Kagurangnan’, papadusahan ko siya sagkod an saiyang pamilya.

Jeremias 23:34 ပူးပေါင်းရင်းမြစ်များ

Jeremias 36:31

Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.