Jeremias 23:31 - Marahay na Bareta Biblia

³¹ Laban man ako sa mga propeta na nagtataram kan sadiri nindang mga tataramon saka nagsasabi na hale iyan sako.

Jeremias 23:31 ပူးပေါင်းရင်းမြစ်များ

1 Mga Hade 22:11

An saro sainda, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Uya an itinataram nin Kagurangnan: ‘Sa paagi kaini lalabanan asin dadaogon mo an mga taga Siria.’”

2 Mga Cronica 18:5

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 23:30

Kaya laban ako sa mga propeta na nagkukua kan mga tataramon nin iba saka ipinapahayag iyan bilang sakong mensahe.

Jeremias 23:32

Hinanyoga nindo an sinasabi ko! Laban ako sa mga propeta na nagtataram kan saindang mga pangatorogan na pano nin mga kaputikan. Ipinapangosip ninda an mga pangatorogan na ini saka linalagalag ninda an sakong banwaan huli kan saindang mga kaputikan asin kahambogan. Dai ko sinda sinugo ni pinagbotan na maglakaw. Mayo lamang sinda nin ikakatabang sa banwaan. Ako, an Kagurangnan, an nagtaram.”

Jeremias 28:15

Sinabihan ko pa si Ananias, “Paghinanyog, Ananias! Dai ka sinugo nin Kagurangnan alagad pinapatubod mo an mga tawong ini sa sarong kaputikan.

Jeremias 28:17

Dangan nagadan si Ananias kan ikapitong bulan kan taon na idto.

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’