Jeremias 23:25 - Marahay na Bareta Biblia

²⁵ Nadangog ko an sinabi kan mga propeta na nagpopropesiya nin kaputikan sa sakong ngaran saka nagsasabi na tinawan ko sinda kan sakong mensahe sa saindang mga pangatorogan.

Jeremias 23:25 ပူးပေါင်းရင်းမြစ်များ

Genesis 37:5

Nagkaigwa kaidto nin pangatorogan si Jose asin kan inistorya niya ini sa mga tugang niya, orog sindang naanggot sa saiya.

Genesis 37:9

Dangan nangatorogan na naman si Jose asin inistorya niya ini sa saiyang mga tugang, “Nangatorogan na naman ako na nahiling ko an aldaw, an bulan asin an onseng bitoon na nagduko sa paggalang sako.”

Salmo 139:2

Aram mo kun ako minatukaw o minatindog; nababasa mo sa harayo an gabos kong iniisip.

Salmo 139:4

Bago ko ikataram an anoman, O Kagurangnan, aram mo na iyan.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 14:14

Alagad nagsimbag an Kagurangnan, “An mga propeta nagtataram nin mga kaputikan sa ngaran ko; dai ko sinda sinugo, pinagbotan, ni kinaolay man lamang. An bisyon na sinasabi ninda dai naghahale sako; an mga hula na gibo-gibo lamang ninda mayo nin halaga.

Jeremias 16:17

Nahihiling ko an gabos nindang ginigibo. Mayo nin natatago sako; an mga kasalan ninda dai makakalampas sa sakong panhiling.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Jeremias 23:32

Hinanyoga nindo an sinasabi ko! Laban ako sa mga propeta na nagtataram kan saindang mga pangatorogan na pano nin mga kaputikan. Ipinapangosip ninda an mga pangatorogan na ini saka linalagalag ninda an sakong banwaan huli kan saindang mga kaputikan asin kahambogan. Dai ko sinda sinugo ni pinagbotan na maglakaw. Mayo lamang sinda nin ikakatabang sa banwaan. Ako, an Kagurangnan, an nagtaram.”

Jeremias 27:10

Dinadaya ninda kamo asin magigin dahelan iyan tanganing iharayo kamo sa saindong daga. Aalawon ko kamo asin mapapahamak kamo.

Jeremias 27:15

An Kagurangnan mismo an nagtaram na dai niya sinda sinugo, alagad putik na nagpopropesiya sinda sa saiyang ngaran kaya aalawon ka niya asin magagadan ka, kaiba an mga propeta na nagtataram saimo kan mga kaputikan na ini.”

Jeremias 29:23

Iyan an saindang aabotan huli ta naggibo sinda nin magabat na kasalan—nagdorog sinda sa bako nindang agom saka nagtaram nin mga kaputikan sa ngaran nin Kagurangnan. Tumang ini sa kabotan nin Kagurangnan; siya an saksi laban sainda. An Kagurangnan an nagtaram.”

Jeremias 29:8

Ako, an Kagurangnan, an Dios nin Israel, nagpapatanid saindo na dai kamo magpadaya sa mga propeta na nag-eerok sa tahaw nindo o sa iba pa na nagsasabi na mahuhulaan ninda an maabot na panahon. Dai nindo pagpahalagahan an saindang mga pangatorogan.

Jeremias 8:6

Hininanyog ko kamo nin marahay alagad dai kamo nagsabi kan totoo. Mayo maski saro saindo nin nagsosolsol kan saiyang katampalasanan; mayo saindo nin naghahapot, ‘Anong kasalan an sakong ginibo?’ An lambang saro padagos sa sadiri niyang dalan, arog sa kabayo na pasiring sa ralaban.

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Ezekiel 22:28

Tinahoban kan mga propeta an mga kasalan na ini, siring sa sarong pinaputing lanob. Nakakahiling sinda nin bako totoong mga bisyon asin nagpuputik sinda sa saindang mga pahayag manongod sa maabot na panahon. Nagsasabi sinda na yaon sainda an tataramon nin Kagurangnan Dios, maski ako, an Kagurangnan, dai man kaiyan nagtaram sainda.

Joel 2:28

“Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Lukas 12:3

Kaya an anoman na sinabi nindo sa kadikloman nin banggi, madadangog sa kaliwanagan nin aldaw; an anoman na ihininghing nindo sa laog nin kwarto, ikukurahaw sa atop nin mga harong.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.