Jeremias 23:24 - Marahay na Bareta Biblia

²⁴ Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Jeremias 23:24 ပူးပေါင်းရင်းမြစ်များ

Genesis 16:13

Nagsaboot si Hagar, “Totoo daw na nahiling ko an Dios asin nabuhay pa ako pakatapos?” Kaya an Kagurangnan na nagtaram saiya inapod niyang, “Sarong Dios na Naghihiling.”

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

2 Mga Cronica 2:6

Alagad siisay an makakapagtugdok nin sarong templo para saiya, na maski an kahiwasan kan bilog na kalangitan dai magkakanigo para saiya? Kaya anong templo an ikakapatugdok ko para saiya kundi arog sana sa sarong lugar na tinututongan nin insenso sa atubang niya?

2 Mga Cronica 6:18

“Alagad pwede daw na mag-erok sa daga an Dios? Kun an pinakahalangkaw na kalangitan dai nagkakanigo saimo, gurano pa daw an Templong ini na sakuyang ipinatugdok?

An Libro ni Job 34:21

Huli ta nagmamasid siya sa mga gawe kan mga tawo, asin nahihiling niya an gabos nindang lakad.

An Libro ni Job 34:22

Mayong limpoy o mahibog na kadikloman na pwedeng tagoan kan paragibo nin karatan.

Salmo 10:11

Nagsaboot siya, “Mayong pagmakulog an Dios! Tinakpan niya an saiyang lalawogon asin dai niya nanggad ako mahihiling!”

Salmo 139:7

Saen ako maduman harayo sa saimong Espiritu? Saen ako madulag harayo sa saimo?

Salmo 139:8

Sumakat man ako sa langit, yaon ka duman; humigda man ako sa lulubngan, yaon ka giraray.

Salmo 148:13

Omawon nindo an ngaran nin Kagurangnan, huli ta an ngaran niya iyo sana an dakula; an kamurawayan niya halangkaw pa sa langit asin sa daga.

Salmo 90:8

Hayag sa atubang mo an samong mga kasalan; an mga hilom nyamong kasalan sa liwanag nin saimong lalawogon.

Mga Talinhaga 15:3

An Kagurangnan naghihiling maski saen; minamasdan niya an maraot saka an marahay.

Isaias 29:15

Herak man sa mga nagtatago sa Kagurangnan kan saindang mga plano! Ginigibo ninda iyan sa hilom asin naghohona sinda na mayo nin nakakahiling sainda o mayo nin nakakaaram kan saindang ginigibo.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 16:17

Nahihiling ko an gabos nindang ginigibo. Mayo nin natatago sako; an mga kasalan ninda dai makakalampas sa sakong panhiling.

Jeremias 32:19

dakula an saimong katuyohan asin makangangalas an saimong mga gibo. Nahihiling mo an ginigibo kan tawo, asin binabalosan mo sinda sosog sa saindang gibo.

Jeremias 49:10

Alagad hinubaan ko an mga kapagarakian ni Esau. Ihinayag ko an saindang mga pinagtatagoan, kaya dai na sinda makakatago maski saen. Ginadan an gabos na taga Edom. Mayo nin natada sainda maski saro.

Ezekiel 8:12

Hinapot ako nin Dios, “Aki nin tawo, nahiling mo an ginigibo sa hilom kan mga kamagurangan nin Israel? Nagsasamba sinda gabos sa laog nin sarong kwarto na pano nin mga ladawan. Huli ta nagsasabi sinda, ‘Dai kita nahihiling nin Kagurangnan! Pinabayaan na niya an daga.’”

Ezekiel 9:9

Nagsimbag an Dios, “Dakula nin marahay an kasalan kan mga tawo sa Israel asin Juda; an daga pano nin dugo asin an syudad pano nin inhustisya. Nagsasabi sinda, ‘Pinabayaan nin Kagurangnan an satong daga asin dai niya kita mahihiling!’

Daniel 2:22

Siya an nagpapahayag kan mga bagay na hararom asin hilom; siya an nakakaaram kun ano an nasa kadikloman, asin napapalibotan siya nin liwanag.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Efeso 1:23

Siya an payo kan simbahan na iyo an saiyang hawak, an kapanoan niya na nakakapano sa gabos na linalang.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.