Jeremias 23:22 - Marahay na Bareta Biblia

²² Kun aram ninda an hilom kong mga kaisipan, ikinahulit kutana ninda an mensahe ko sa sakong banwaan. Napatalikod kutana ninda an sakong banwaan sa maraot na pamumuhay saka sa mga karatan na ginigibo kaini.

Jeremias 23:22 ပူးပေါင်းရင်းမြစ်များ

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 23:18

Nagsabi ako, “Mayong saro sa mga propetang ini nin nakaaram kan hilom na mga kaisipan nin Kagurangnan. Mayo sainda nin nakadangog ni nakasabot kan saiyang mensahe, o naghinanyog saka nagpahalaga kan saiyang tataramon.

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 36:3

tanganing kun madangog kan mga taga Juda an gabos na karatan na boot kong darahon sainda, tibaad magbakle sinda sa mga maraot nindang gawe. Dangan papatawadon ko sinda kan mga karatan asin kasalan ninda.”

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Ezekiel 13:5

Dai ninda binabantayan an mga narumpag na kabtang kan kudal ni hinihirahay iyan tanganing madepensahan an Israel pag-abot kan gera sa aldaw nin Kagurangnan.

Ezekiel 18:30

“Kaya ako, an Kagurangnan Dios, an mahukom sa saindong mga Israelita, sosog sa mga ginibo nindo. Magtalikod na kamo sa gabos nindong kasalan, asin dai kamo magtugot na matunaw kamo huli kan saindong kasombikalan.

Ezekiel 2:7

Itataram mo sainda an boot kong isabi mo sainda, magdangog man sinda o dai, huli ta mga rebelde sinda.

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Malakias 2:6

Itinukdo ninda an tama, bakong an sala. Namuhay sinda na matoninong sa kaibahan ko; bako sanang naggibo sinda kan tama kundi kadakul pa an tinabangan ninda na mag-ontok sa paggibo kan maraot.

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

1 Tesalonica 5:6

Kaya dai kita dapat magkatorog siring kan iba, kundi dapat kitang magpuka asin danay na magin malinaw an isip.