Jeremias 23:17 - Marahay na Bareta Biblia

¹⁷ Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 23:17 ပူးပေါင်းရင်းမြစ်များ

2 Samuel 12:10

Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Isaias 57:21

Mayo nin kaligtasan para sa mga parakasala,” an sabi kan Kagurangnan.

Jeremias 13:10

An mga maraot na tawong ini habong magkuyog sako. Orog sindang nagmatagas saka orog na nagin maraot. Nagsamba sinda saka naglingkod sa mga dios-dios. Kaya makakaarog sinda sa habay na mayo na nin pakinabang.

Jeremias 18:12

Masimbag sinda, ‘Dai, tadaw ta magbabago kami? Susundon mi an sadiri nyamong plano asin gabos kami magibo sosog sa katagasan kan maraot nyamong mga puso!’”

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 4:10

Dangan nagsabi ako, “Kagurangnan Dios, totoong dinaya mo an mga taga Jerusalem! Sinabi mo na magkakaigwa nin katoninongan, alagad sarong espada an nakabingat sa saindang mga halonan.”

Jeremias 5:12

An Kagurangnan pinagnegaran kan saiyang banwaan. An sabi ninda, “Mayo siya nin gigibohon na ano man. Mayo nin karatan na maabot samo; dai kami magkakaigwa nin gera o gutom.”

Jeremias 6:14

Para sainda, an mga lugad kan sakong banwaan, mga kamros sana. Minasabi sinda na igwa nin katoninongan, maski mayo nin katoninongan.

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 8:11

Para sainda, an mga lugad kan sakong banwaan mga kamros sana. Minasabi sinda na igwa nin katoninongan maski mayo man nin katoninongan.

Jeremias 9:14

Embes kaiyan, nagmatagas sinda saka nagsamba kan mga ladawan ni Baal arog kan itinukdo sainda kan saindang mga ama.

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Ezekiel 13:10

“Dinadaya kan mga propeta an mga tawo sa pagsabi na an gabos matoninong maski ngani mayo man nin katoninongan. Kun an sakong banwaan minatugdok nin kudal, tinatapalan iyan nin karboro kan mga propeta.

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Amos 9:10

An gabos na parakasala sa sakong banwaan magagadan sa gera—sinda gabos na nagsasabing, ‘Dai itutugot nin Dios na makarani sa sato an kapahamakan.’”

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Mikas 3:5

Dinaya an sakong banwaan kan mga propetang nanunuga nin katoninongan sa mga nakakabayad sainda, alagad nagpapahayag sainda nin gera sa mga dai nakakabayad. An Kagurangnan nagsasabi sa mga propetang ini,

Sofonias 1:12

“Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Mga Bilang 11:20

kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Deuteronomio 29:19

Aramon nanggad nindo na mayo nin siisay man digdi na pakatapos na madangog an mga tataramon kan tipan na ini, magsaboot na makakaligtas siya maski maglakaw siya sa katagasan kan saiyang puso. An tawong iyan an magigin dahelan kan pagkagadan nin gabos, marahay man o maraot.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.