Jeremias 23:16 - Marahay na Bareta Biblia

¹⁶ Nagtaram an Kagurangnan nin mga hukbo sa mga taga Jerusalem, “Dai nindo pagdangogon an mga sinasabi saindo kan mga propeta; nagtutukdo sinda saindo kan mga paglaom na mayo nin halaga. Nagtataram sinda nin mga bisyon na hale sa sadiri nindang kaisipan asin bakong hale sako.

Jeremias 23:16 ပူးပေါင်းရင်းမြစ်များ

1 Mga Hade 22:11

An saro sainda, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Uya an itinataram nin Kagurangnan: ‘Sa paagi kaini lalabanan asin dadaogon mo an mga taga Siria.’”

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

2 Mga Cronica 18:5

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

Mga Talinhaga 19:27

Aki ko, kun mag-ontok ka sa pag-adal, mapapabayaan mo ngapit an saimo nang naaraman.

Jeremias 14:14

Alagad nagsimbag an Kagurangnan, “An mga propeta nagtataram nin mga kaputikan sa ngaran ko; dai ko sinda sinugo, pinagbotan, ni kinaolay man lamang. An bisyon na sinasabi ninda dai naghahale sako; an mga hula na gibo-gibo lamang ninda mayo nin halaga.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Jeremias 23:21

Nagtaram an Kagurangnan, “Dai ko sinugo an mga propetang ini, alagad nagralakaw sinda. Dai ko sinda tinawan nin mensahe, alagad nagtaram sinda sa sakong ngaran.

Jeremias 23:26

Sagkod nuarin lalagalagon kan mga propetang iyan an sakong banwaan huli sa mga kaputikan na gibo-gibo ninda?

Jeremias 29:23

Iyan an saindang aabotan huli ta naggibo sinda nin magabat na kasalan—nagdorog sinda sa bako nindang agom saka nagtaram nin mga kaputikan sa ngaran nin Kagurangnan. Tumang ini sa kabotan nin Kagurangnan; siya an saksi laban sainda. An Kagurangnan an nagtaram.”

Jeremias 29:8

Ako, an Kagurangnan, an Dios nin Israel, nagpapatanid saindo na dai kamo magpadaya sa mga propeta na nag-eerok sa tahaw nindo o sa iba pa na nagsasabi na mahuhulaan ninda an maabot na panahon. Dai nindo pagpahalagahan an saindang mga pangatorogan.

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Jeremias 9:20

Nagsabi ako, “Kamong mga babae, paghinanyog kamo sa Kagurangnan, asin akoon nindo an saiyang mga tataramon. Tukdoan nindong magmondo an saindong mga aking babae asin manambitan an saindong mga katood.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Ezekiel 13:16

idtong mga propeta na nagpahayag sa Jerusalem na matoninong an gabos maski mayo man nin katoninongan.” An Kagurangnan Dios an nagtaram.

Ezekiel 13:23

Kaya ngunyan, tapos na an saindong bakong totoong mga bisyon asin nakakaribong na pahayag manongod sa maabot na panahon. Ililigtas ko an sakong banwaan sa irarom kan saindong kapangyarihan, tanganing maaraman nindo na ako an Kagurangnan.”

Ezekiel 13:3

Ini an tataramon kan Kagurangnan Dios, “Herak man sa mga lolong na propeta na nagsusunod kan sadiri nindang espiritu asin nag-iimbento kan sadiri nindang mga bisyon.

Ezekiel 13:6

Bakong totoo an saindang mga bisyon asin kaputikan an saindang mga kapahayagan manongod sa maabot na panahon. Minasabi sindang ipinapahayag ninda an sakong mensahe, alagad dai ko sinda sinugo. Minsan siring, naghahalat sindang magkakatotoo an saindang pahayag!

Ezekiel 22:28

Tinahoban kan mga propeta an mga kasalan na ini, siring sa sarong pinaputing lanob. Nakakahiling sinda nin bako totoong mga bisyon asin nagpuputik sinda sa saindang mga pahayag manongod sa maabot na panahon. Nagsasabi sinda na yaon sainda an tataramon nin Kagurangnan Dios, maski ako, an Kagurangnan, dai man kaiyan nagtaram sainda.

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Mateo 7:15

“Mag-ingat kamo sa mga bakong tunay na propeta; garo sinda mga karnero kun minadolok saindo, alagad sa katunayan mga mabangis na lobo sinda.

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

1 Juan 4:1

Mga namomotan, dai kamo magtubod sa mga nagsasabing igwa sinda kan Espiritu, kundi baloon nindo sinda, tanganing maaraman nindo kun an espiritu na nasa sainda talagang hale sa Dios; huli ta dakul na bakong tunay na propeta an nagtunga sa gabos na lugar.