Jeremias 23:10 - Marahay na Bareta Biblia

¹⁰ An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Jeremias 23:10 ပူးပေါင်းရင်းမြစ်များ

Esdras 10:18

Ini an lista kan mga lalaki na igwa nin mga dayuhan na agom: Sa mga padi: Sa kamaganakan ni Josue asin kan saiyang mga tugang, an mga aking lalaki ni Johozadak: si Maaseias, si Eliezer, si Jarib, asin si Gedalias.

Salmo 107:34

An mayaman na daga ginibo niyang maasgad na kalangtadan huli kan karatan kan mga nag-eerok duman.

Isaias 24:6

Kaya minaldisyon nin Dios an daga asin nagbabayad na an mga tawo kan saindang kasalan. Tinurunaw niya an mga nag-eerok sa daga asin dikit na sana an natadang buhay.

Isaias 5:18

Herak man sa naggigibo nin karatan huli sa saindang kaputikan. Herak man sa mga naggigibo nin kasalan asin dai nakakatalingkas diyan,

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Jeremias 9:12

Naghapot ako, “Kagurangnan, tadaw ta raot an daga saka alang arog sa desyerto. Tadaw ta mayo na nin nag-aagi digdi? Siisay na madonong an nakakasabot kaini? Kiisay mo ipinaliwanag an nangyaring ini tanganing ikasabi niya sa iba?”

Jeremias 9:2

Kun sa desyerto may lugar pa sana akong maeerokan tanganing makaharayo ako sa sakong banwaan! Gabos sinda bakong maimbod, sarong grupo sinda nin mga parapasaluib.

Oseas 7:4

Gabos sinda mga parapasaluib asin bakong maimbod. Arog sinda sa sarong mainit na horno, na dai ginagatongan kan panadero kun dai pa andam an minasa.

Joel 1:10

Mayo nang kaomahan; an daga nagmomondo huli ta naraot an mga tanom na trigo, naalang an mga ubas, asin nagkaaralang an mga kahoy na oliba.

Levitico 5:1

An mga minasunod na kaso nangangaipo nin mga dolot para sa kasalan. Kun igwa nin tawong inapod tanganing magsaksi sa hukoman manongod sa saiyang nadangog o nahiling, alagad habo niyang isabi, pagdudusahan niya iyan.

Sofonias 3:4

Dai malalaoman asin parapasaluib an saiyang mga propeta; an mga banal na bagay dinidigtaan kan mga padi asin an togon nin Dios saindang binibiko para sa sadiri nindang karahayan.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

1 Timoteo 1:10

para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.