Jeremias 23:1 - Marahay na Bareta Biblia

¹ Makatatakot nanggad an padusa nin Kagurangnan sa mga pamayo na nagraraot saka nagwawarak kan saiyang banwaan!

Jeremias 23:1 ပူးပေါင်းရင်းမြစ်များ

Jeremias 10:21

Nagsimbag ako, “Mangmang an satong mga lider; dai sinda nakihumapot sa Kagurangnan. Kaya dai sinda nag-uswag, asin nawarak an satong banwaan.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 2:26

Nagsasabi an Kagurangnan, “Arog kan mahabon na sinosopog kun nadadakop, kamong banwaan nin Israel sosopogon man—an saindong mga hade saka mga opisyal, an saindong mga padi saka mga propeta.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 22:22

Ipapalid kan doros an saindong mga lider, bibihagon an saindong mga kaalyansa, mawawaraan nin onra an saindong syudad asin mapapasopog, huli kan gabos na karatan na saindong ginibo.

Jeremias 23:2

Iyo ini an itinaram nin Kagurangnan, an Dios nin Israel, manongod sa mga pamayo na dapat kutana nag-aataman kan saiyang banwaan: “Dai nindo inataman an banwaan ko; iwinarak nindo sinda saka isinubol sa harayo. Papadusahan ko kamo ngunyan huli kan karatan na saindong ginibo.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Ezekiel 13:3

Ini an tataramon kan Kagurangnan Dios, “Herak man sa mga lolong na propeta na nagsusunod kan sadiri nindang espiritu asin nag-iimbento kan sadiri nindang mga bisyon.

Ezekiel 34:1

Nagtaram sako an Kagurangnan,

Ezekiel 34:21

Sinusuag nindo an mga may helang sagkod na mapaharayo sa saindang kairiba.

Ezekiel 34:31

“Kamo, na sakong mga karnero, an ariponpon na sakuyang pinapakakan, iyo an sakong banwaan asin ako an saindong Dios,” an olay nin Kagurangnan Dios.

Ezekiel 36:38

An mga syudad na rumpag ngunyan mapapano nin mga tawo, siring na an Jerusalem dating pano nin mga karnero na idinolot bilang atang sa talaan na pyesta. Dangan maaaraman ninda na ako an Kagurangnan.”

Zacarias 10:3

Nagtataram an Kagurangnan, “Naaanggot ako sa mga dayuhan na idto na namamayo sa sakong banwaan, kaya papadusahan ko sinda. Sadiri ko an banwaan nin Juda, asin ako, an Kagurangnan nin mga hukbo, an maataman sa sainda. Sinda an magigin mapangyari kong mga kabayong panggera.

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Mateo 9:36

Kan mahiling niya an kadakul na tawo, naherak siya sainda, huli ta nalalagalag sinda asin mga makaheherak, garo mga karnero na mayong pastor.

Juan 10:10

An parahabon minadigdi sana nganing manghabon, manggadan saka mangraot. Nagdigdi ako tanganing magkaigwa sinda nin kapanoan nin buhay.

Juan 10:12

Alagad an parapatandan minadulag kun nakakahiling nin lobo. Binabayaan niya an mga karnero, palibhasa bako siyang pastor asin bako niyang sadiri an mga karnero. Kaya tinatabag kan lobo an mga karnero asin winawarak an mga iyan.

Juan 10:8

An gabos na naenot sako parahabon asin tulisan, kaya dai sinda dinadangog kan mga karnero.