Jeremias 22:9 - Marahay na Bareta Biblia

⁹ Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 22:9 ပူးပေါင်းရင်းမြစ်များ

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

2 Mga Hade 22:17

Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Cronica 34:25

Tinalikodan ninda ako asin nagtutong sinda nin insenso para sa mga dios-dios tanganing paanggoton ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 11:3

na ako, an Kagurangnan Dios nin Israel, nagbugtak nin sarong maldisyon sa siisay man na dai nagkukuyog sa kahagadan kan tipan na ini.

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Jeremias 9:13

Nagsimbag an Kagurangnan, “Nangyari ini huli ta tinalikodan kan sakong banwaan an katukdoan na itinao ko sainda. Dai sinda nagkuyog sako ni naggibo kan itinaram ko sainda.

Ezekiel 12:16

Tutugotan kong an nagkapira sa sainda matadang buhay sa gera, sa makuring gutom asin sa peste, tanganing sa tahaw kan mga nasyon, maaaraman ninda na makauuyam an saindang mga gawe asin tanganing mamidbidan ninda na ako an Kagurangnan.”

Ezekiel 14:23

dangan maaaraman mo na may marahay na dahelan an gabos na ginibo ko.” An Kagurangnan Dios an nagtaram.

Ezekiel 39:23

Maaaraman man kan mga nasyon na itinapok an mga Israelita huli kan mga kasalan na saindang ginibo tumang sako. Tinalikodan ko sinda asin itinao sa kamot kan saindang mga kaiwal, dangan ginadan sinda kaini sa gera.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Deuteronomio 29:24

Dangan mahapot an bilog na kinaban, ‘Tano ta ginibo ini nin Kagurangnan sa saindang daga? Ano an dahelan kan saiyang dakulang kaanggotan?’