Jeremias 22:8 - Marahay na Bareta Biblia

⁸ “Dangan maghihinarapotan an mga dayuhan na mag-aagi digdi, ‘Tadaw ta arog kaiyan an ginibo nin Kagurangnan sa dakulang syudad na ini?’

Jeremias 22:8 ပူးပေါင်းရင်းမြစ်များ

Jeremias 16:10

“Kun sabihan mo sinda kan gabos na ini, hahapoton ka ninda kun tadaw ta nagpahayag ako na padusahan sinda nin magabat. Mahapot sinda kun anong krimen an naginibo ninda asin kun anong kasalan an ginibo ninda tumang sa Kagurangnan na saindang Dios.

Jeremias 40:2

Isiniblag ako kan pinakahalangkaw na opisyal saka sinabihan, “An Kagurangnan na saimong Dios nagpatanid nin karatan sa dagang ini,

Jeremias 40:3

asin ngunyan inotob niya an sinabi niya. An gabos na ini nangyari huli ta nagkasala an saimong banwaan tumang sa Kagurangnan saka dai ninda siya sinunod.

Mga Panambitan 4:12

Mayo nin siisay man, maski an mga hade sa dayuhan na mga nasyon, na nagtubod na an mga trangkahan nin Jerusalem malalaog nin mga kaiwal.

Ezekiel 12:16

Tutugotan kong an nagkapira sa sainda matadang buhay sa gera, sa makuring gutom asin sa peste, tanganing sa tahaw kan mga nasyon, maaaraman ninda na makauuyam an saindang mga gawe asin tanganing mamidbidan ninda na ako an Kagurangnan.”

Ezekiel 14:23

dangan maaaraman mo na may marahay na dahelan an gabos na ginibo ko.” An Kagurangnan Dios an nagtaram.

Ezekiel 39:23

Maaaraman man kan mga nasyon na itinapok an mga Israelita huli kan mga kasalan na saindang ginibo tumang sako. Tinalikodan ko sinda asin itinao sa kamot kan saindang mga kaiwal, dangan ginadan sinda kaini sa gera.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Daniel 9:7

Ika, Kagurangnan, danay na naggigibo kan tama, alagad danay ming dinadarahan nin kasosopgan an samong sadiri sagkod ngunyan; nangyari ini samo na nag-eerok sa Juda asin sa Jerusalem patin sa gabos na Israelita na saimong iwinarak sa mga harani saka harayong mga daga huli ta bako sindang maimbod saimo.