Jeremias 22:5 - Marahay na Bareta Biblia

⁵ Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 22:5 ပူးပေါင်းရင်းမြစ်များ

Genesis 22:16

asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo.

2 Mga Cronica 7:19

Alagad kun ika asin an saimong banwaan magtalikod sako asin dai magkuyog kan sakong mga togon saka mga pagboot; kun magsunod kamo, maglingkod asin magsamba sa ibang mga dios,

2 Mga Cronica 7:21

“An Templong ini inoomaw ngunyan alagad sa panahon na iyan, an lambang maagi sa harani kaini mangalas asin mahapot, ‘Tano ta siring an ginibo nin Kagurangnan sa dagang ini asin sa Templong ini?’

2 Mga Cronica 7:22

Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa ibang mga dios, kaya dinara sainda nin Kagurangnan an gabos na karatan na ini.’”

Salmo 95:11

Kaya nagsumpa ako sa sakuyang kaanggotan, na dai nanggad sinda makakalaog sa sakong pahingaloan.”

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Jeremias 12:7

An Kagurangnan nagsasabi, “Binayaan ko an Israel; isinikwal ko an pinili kong nasyon. An mga tawong sakong namomotan itinao ko sa saindang mga kaiwal.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 26:4

Tinaraman ako nin Kagurangnan na isabi sa mga tawo an siring, “Ako, an Kagurangnan, nagtaram na dapat kamong magkuyog sako sa paagi nin pag-otob kan katukdoan na itinao ko saindo,

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Jeremias 44:26

Alagad hinanyoga nindo ngunyan an sumpa na ginibo ko huli sa mapangyari kong ngaran, para sa saindo gabos na Israelita na yaon sa Egipto: Dai ko na itutugot sa kiisay man na ipagsumpa an sakong ngaran sa pagsasabi, ‘Minasumpa ako huli sa Makakamhan na Dios na buhay!’

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Mateo 23:38

Hilinga ta pinapabayaan na an saimong harong asin mayo nang tawo.

Hebreyo 3:18

Siisay idtong sinumpa nin Dios na dai nanggad makakalaog sa daga na itinagama niyang pahingaloan ninda? Bako idtong mga nagsombikal?

Hebreyo 6:13

Kan manuga an Dios ki Abraham, nagsumpa siya sa sadiri niyang ngaran huli ta mayo nin mas mapangyari pa ki sa saiya na pwede niyang masumpaan.

Hebreyo 6:17

Inibahan nin Dios nin sumpa an saiyang panuga, huli ta boot niyang ipahiling nin malinaw sa mga maako kan pamana na ipinanuga sainda, na andam siyang mag-otob nanggad kan panugang iyan.