Jeremias 22:30 - Marahay na Bareta Biblia

³⁰ “An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 22:30 ပူးပေါင်းရင်းမြစ်များ

An Libro ni Job 18:19

Mayo siya nin aki o kapagarakian sa tahaw nin saiyang banwaan; mayong natadang buhay sa dati niyang erokan.

Salmo 94:20

Tutugotan mo daw na mag-apil saimo an mga maraot na hukom, na minabiko kan katanosan sa paagi nin mga pagboot,

Jeremias 10:21

Nagsimbag ako, “Mangmang an satong mga lider; dai sinda nakihumapot sa Kagurangnan. Kaya dai sinda nag-uswag, asin nawarak an satong banwaan.

Jeremias 2:37

An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Jeremias 22:2

asin ipinasabi niya sa hade, sa mga opisyal kaini, saka sa mga taga Jerusalem na maghinanyog kaining tataramon nin Kagurangnan:

Jeremias 36:30

Kaya ngunyan, ako, an Kagurangnan, nagsasabi saimo, Hadeng Jehoiakim, na mayo nin siisay man sa mga kapagarakian mo na maghahade sa kahadean ni David. Itatapok sa luwas an saimong bangkay asin tanganing mabalad kun aldaw saka maambonan kun banggi.

Jeremias 52:10

Duman sa Ribla, ginadan ni Hadeng Nebukadnezzar an mga aking lalaki ni Zedekias mantang naghihiling ini. Ginadan man niya an mga opisyal nin Juda.