Jeremias 22:28 - Marahay na Bareta Biblia

²⁸ Nagsabi ako, “Arog daw sa sarong pasang tapayan, na isinikwal, itinapok saka dai nagustohan nin siisay man si Hadeng Jehoiakin? Tadaw ta itinapok siya saka an saiyang mga aki sa sarong daga na dai ninda aram?”

Jeremias 22:28 ပူးပေါင်းရင်းမြစ်များ

2 Samuel 5:21

Kan magdurulag an mga Filisteo, nagkawaralat an saindang mga dios-dios; an mga ini kinurua ni David asin kan saiyang mga tawohan.

2 Mga Cronica 21:20

Treynta y dos an edad ni Jehoram kan siya magin hade, asin walong taon siyang naghade sa Jerusalem. Mayo lamang nin nagmondo kan siya nagadan. Ilinubong siya ninda sa Syudad ni David, alagad bako sa lulubngan kan mga hade.

Salmo 31:12

Siring sa gadan, mayo na sakong nakakagiromdom, arog ako sa sarong bagay na itinapok.

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 22:27

Magmamawot ka na mahiling giraray an banwaan na ini, alagad dai ka na makakabalik.”

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 24:1

Ipinahiling sako nin Kagurangnan an duwang basket nin higera na nasa atubangan kan Templo. (Ini nangyari pakatapos na mabihag ni Hadeng Nebukadnezzar si Hadeng Jehoiakin nin Juda, na aking lalaki ni Jehoiakim, kaiba an mga lider nin Juda, an mga panday saka mga ekspertong trabahador, hale sa Jerusalem pasiring sa Babilonia.)

Jeremias 37:1

Si Zedekias na aking lalaki ni Josias iyo an ibinugtak ni Hadeng Nebukadnezzar nin Babilonia na hade sa Juda, bilang kasalihid ni Jehoiakin na aking lalaki ni Jehoiakim.

Jeremias 48:38

Sa lambang atop nin harong sa Moab asin sa gabos na plasa, mayo nin madadangog kundi an panambitan, huli ta pinasa ko an Moab arog sa sarong tapayan na mayo nin nagkakagusto.

Oseas 13:15

Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.