Jeremias 22:22 - Marahay na Bareta Biblia

²² Ipapalid kan doros an saindong mga lider, bibihagon an saindong mga kaalyansa, mawawaraan nin onra an saindong syudad asin mapapasopog, huli kan gabos na karatan na saindong ginibo.

Jeremias 22:22 ပူးပေါင်းရင်းမြစ်များ

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Jeremias 10:21

Nagsimbag ako, “Mangmang an satong mga lider; dai sinda nakihumapot sa Kagurangnan. Kaya dai sinda nag-uswag, asin nawarak an satong banwaan.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 2:37

An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 4:30

Jerusalem, hinukoman ka na! Tadaw ta naggugubing ka pa nin pula? Tadaw ta nagsusulot ka nin mga alahas saka kinokoloran mo an saimong mga mata? Mayo na nin halaga an pagpagayon mo. Isinikwal ka na kan saimong mga sambay asin boot ka nindang gadanon.

Jeremias 5:13

Nagtaram sinda na an mga propeta mayo nin halaga, saka mayo kan mensahe nin Kagurangnan. Nagtaram sako an Kagurangnan, an Dios nin mga hukbo, “Jeremias, huli ta an mga tawong ini nagtaram kan siring, magigin garo kalayo sa saimong ngoso an sakong mga tataramon. An mga tawong ini siring sa kahoy, na tututongon kan kalayo.”

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 13:15

Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Oseas 4:19

Dadarahon sinda sa harayo na garo ipinalid kan doros, asin magkakasoropog sinda huli kan saindang paganong mga sakripisyo.

Zacarias 11:17

Herak man sa mayong halagang pastor na idto! Pinabayaan niya an saiyang mga karnero. Roronoton nanggad nin gera an saiyang kapangyarihan. Mawawaraan nin kosog an saiyang kamot, asin mabubuta an too niyang mata.”

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.