Jeremias 22:19 - Marahay na Bareta Biblia

¹⁹ Arog kan paglubong sa asno an gigibohon na paglubong saiya; guguyodon siya sa harayo saka itatapok sa luwas kan mga trangkahan nin Jerusalem.”

Jeremias 22:19 ပူးပေါင်းရင်းမြစ်များ

1 Mga Hade 14:10

Huli kaini, dadarahan ko nin karatan an saimong harong asin gagadanon ko an gabos na lalaking kapagarakian mo, hoben man o gurang. Tutunawon ko an saimong harong, siring sa ginigibong pagtutong nin sarong lalaki sa odo sagkod na maubos iyan.

2 Mga Hade 23:36

Beynte y singkong taon an edad ni Jehoiakim kan siya magin hade nin Juda asin onseng taon siyang naghade sa Jerusalem. An saiyang ina iyo si Zebida, na aki ni Pedaias na taga Ruma.

2 Mga Hade 24:6

Nagadan si Jehoiakim asin si Jehoiakin na aki niyang lalaki iyo an nagsalihid saiya bilang hade.

2 Mga Hade 9:35

Alagad kan magruluwas an mga lalaking malubong ki Jezebel, an nakua sana ninda iyo an bungo asin an mga tolang kan mga kamot saka mga bitis ni Jezebel.

2 Mga Cronica 36:6

Sinalakay ni Hadeng Nebukadnezzar nin Babilonia an Juda, binihag si Jehoiakim, dangan nakakadenang dinara sa Babilonia.

Parahulit 6:3

An sarong tawo pwedeng magkaigwa nin sanggatos na aki asin pwedeng mabuhay sa halawig na panahon. Alagad maski gurano kahalawig an saiyang buhay, kun dai niya nanamitan an mga marahay na bagay nin buhay asin dai siya nagkaigwa nin desenteng lubong, ako minasabi na mas marahay pa saiya idtong omboy na gadan nang namundag.

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 36:30

Kaya ngunyan, ako, an Kagurangnan, nagsasabi saimo, Hadeng Jehoiakim, na mayo nin siisay man sa mga kapagarakian mo na maghahade sa kahadean ni David. Itatapok sa luwas an saimong bangkay asin tanganing mabalad kun aldaw saka maambonan kun banggi.

Jeremias 36:6

Alagad boot kong dumuman ka sa masunod na pag-ayuno kan mga tawo. Basahon mo nin makosog an kasuratan, tanganing madangog ninda an gabos na itinaram sako nin Kagurangnan, na ipinasurat ko man saimo. Magtindog ka sa lugar na madadangog ka kan gabos, sagkod kan mga taga Juda na maarabot hale sa saindang mga banwa.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Ezekiel 19:8

Nagtiripon an mga nasyon laban saiya; nag-abot an mga tawo hale sa manlaen-laen na lugar. Biniklad ninda an saindang mga pandakop na hikot, asin nadakop siya ninda.

Ezekiel 39:5

Matutumba sindang gadan sa kaomahan. Ako, an Kagurangnan Dios, an nagtaram.