Jeremias 22:17 - Marahay na Bareta Biblia

¹⁷ Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Jeremias 22:17 ပူးပေါင်းရင်းမြစ်များ

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

2 Mga Hade 23:37

Ginibo niya an maraot sa atubangan kan Kagurangnan huli ta sinunod niya an paarog kan saiyang mga ginikanan.

2 Mga Hade 24:4

asin huli kan paggadan niya sa mga tawong mayo nin kasalan. Huli kaiyan dai pwedeng mapatawad nin Kagurangnan si Manases.

2 Mga Cronica 36:8

An iba pang ginibo ni Jehoiakim, kaiba an saiyang makauuyam na mga gawe asin an karatan na ginibo niya, gabos nasusurat sa An Kasaysayan kan mga Hade nin Israel saka Juda. Si Jehoiakin na saiyang aking lalaki iyo an nagsalihid saiya bilang hade.

An Libro ni Job 31:7

Kun nagsuhay ako sa tamang dalan o nagpadagka sa karatan, kun nadigtaan an sakong kamot nin kasalan,

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Mga Talinhaga 24:2

Danay sindang nag-iisip nin kadahasan; sa oras na ibuka ninda an saindang ngoso igwa nin makukulogan.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Jeremias 19:4

Gigibohon ko ini huli ta binayaan ako kan banwaan asin dinigtaan ninda an lugar na ini sa pagdolot ninda digdi nin mga sakripisyo sa ibang mga dios, na dai man ninda midbid, ni kan saindang mga ginikanan asin kan mga hade nin Juda. Pinano ninda an lugar na ini nin dugo kan mga tawong mayo nin sala.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Jeremias 6:6

Pinagbotan kan Kagurangnan nin mga hukbo an mga hadeng ini na magpalod nin mga kahoy saka magtambak nin mga daga tanganing malaom ninda an Jerusalem. Nagtaram siya, “Papadusahan ko an Jerusalem huli ta syudad ini nin pang-aapi.

Jeremias 7:6

Dai na nindo pag-apihon an mga dayuhan, mga ilo, saka mga babaeng balo. Mag-ontok na kamo sa paggadan kan mga mayong sala sa dagang ini. Mag-ontok na kamo sa pagsamba sa mga dios-dios, huli ta mapapahamak kamo.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Ezekiel 18:12

Dinadaya niya an mga dukha, nanghahabon siya asin dai niya ipinupuli an isinangra kan nag-utang saiya. Nagduduman siya sa mga paganong altar asin nagsasamba sa makauuyam na mga dios-dios,

Ezekiel 19:6

Kan dakula na ini, naglibot ini kaiba an ibang mga leon, asin nakanood na maghanap nin kakanon, ini nagin parakakan man nin tawo.

Ezekiel 19:7

Rinumpag kaini an mga bantayan, rinaot an mga banwa. Natakot saiya an mga tawo sa daga, sa lambang pag-ungal niya.

Ezekiel 19:9

Ibinugtak siya ninda sa sarong hawla dangan dinara sa hade nin Babilonia. Binantayan siya ninda, tanganing an saiyang pag-ungal dai na nanggad madangog sagkod pa man sa kabukidan nin Israel.

Ezekiel 22:6

An gabos na lider nin Israel nagsasarig sa sadiri nindang kosog asin nanggagadan.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Mikas 3:10

Kamo an nagpapatindog kan syudad nin Dios, an Jerusalem, sa pundasyon nin panggagadan saka inhustisya.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Roma 1:29

Pano sinda nin gabos na katampalasan, karatan, kapasloan asin bisyo. Mga maori sinda, mga paragadan, parapakiiwal, madaya saka maati an isip. Tsismoso sinda,

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

Josue 7:21

Sa mga bagay na samong nasamsam, may nahiling akong magayon na gubing na gibo sa Babilonia, mga duwang kilo nin plata asin sarong barang bulawan na sobra sa kabangang kilo an timbang. Nagustohan ko nin marahay an mga ini kaya kinua ko. Makukua nindo an mga iyan na nakalubong sa daga sa laog kan sakong tolda, na nasa irarom an plata.”

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

1 Samuel 8:3

Alagad dai sinda nagsunod sa paarog kan saindang ama; boot sana nindang magyaman, kaya nag-ako sinda nin mga suhol asin biniko ninda an katanosan.