Jeremias 22:16 - Marahay na Bareta Biblia

¹⁶ Itinao niya sa mga dukha an hustisya, kaya marahay gabos an nagin bunga kaiyan. Iyan an kahulogan kan pakamidbid sa Kagurangnan.

Jeremias 22:16 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

Salmo 109:31

Huli ta an daing sukat sinusurog niya, asin iliniligtas sa mga nagkokondenar na siya magadan.

Salmo 36:10

Padagos mong kamotan an mga nakakamidbid saimo, asin ligtasan an mga matanos an puso.

Salmo 9:10

An mga nakakamidbid saimo, Kagurangnan, magsasarig saimo; huli ta dai mo binabayaan an mga naghahanap saimo.

Mga Talinhaga 31:9

Magpahayag ka para sainda asin magin saro kang matanos na hukom. Ipakilaban mo an deretso kan dukha asin kan mayong sukat.”

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Juan 16:3

An mga bagay na ini gigibohon saindo kan mga tawo huli ta dai ninda namidbid an Ama o ako.

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 17:6

“Ipinamidbid taka sa mga tawong itinao mo sako hale sa kinaban. Sadiri mo sinda, dangan itinao mo sinda sako. Kinuyog ninda an mga tataramon mo;

Juan 8:19

Kaya hinapot siya ninda, “Haen an saimong ama?” Nagsimbag si Jesus, “Dai ako nindo midbid, ni an sakong Ama. Kun midbid nindo ako, midbid man kutana nindo an sakong Ama.”

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.