Jeremias 22:15 - Marahay na Bareta Biblia

¹⁵ Naghohona ka daw na saro ka nang hade huli ta nakapatugdok ka nin harong na sedro, na mas magayon ki sa ginibo nin iba? Nakamit kan saimong ama an marahay na buhay. Nagdanay siyang matanos asin onesto, kaya nag-uswag siya sa gabos niyang gibo.

Jeremias 22:15 ပူးပေါင်းရင်းမြစ်များ

2 Samuel 8:15

Naghade si David sa bilog na Israel; tinawan niya nin hustisya asin katanosan an saiyang banwaan.

1 Mga Hade 10:9

Pag-omawon an Kagurangnan na saimong Dios, na nawiwili saimo asin nagpapatukaw saimo sa trono nin Israel! Huli ta namomoot sa Israel sagkod lamang an Kagurangnan, ginibo ka niyang hade tanganing papagdanayon mo an hustisya saka an katanosan.”

2 Mga Hade 22:2

Ginibo ni Josias an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

2 Mga Hade 23:25

Mayo pa nin hade kaidto na arog saiya, na naglingkod sa Kagurangnan sa bilog niyang puso, kalag asin kosog, na nagkuyog kan Katogonan ni Moises. Mayo na man nin nagsunod na hade na arog saiya.

1 Mga Cronica 3:15

Nagkaigwa nin apat na aking lalaki si Josias na iyo si Johanan, Jehoiakim, Zedekias, asin Sallum.

2 Mga Cronica 34:2

Ginibo niya an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

2 Mga Cronica 35:22

Alagad boot nanggad na makilaban si Josias. Dai niya dinangog an tataramon nin Dios sa paagi ni Hadeng Neco. Nagsagin-sagin siya na bakong hade dangan nagduman sa kapantayan nin Meggido tanganing makilaban.

2 Mga Cronica 35:26

An iba pang ginibo ni Josias—an saiyang mga marahay na gibo sosog sa nasusurat sa Katogonan nin Kagurangnan,

Mga Talinhaga 20:28

Magdadanay na pusog an trono kan hade kun maghahade siya sa katotoohan, kaimbodan, asin sa katanosan.

Mga Talinhaga 21:3

An paggibo kan matanos asin hustisya orog na nawiwilihan nin Kagurangnan ki sa mga sakripisyo.

Mga Talinhaga 25:5

Halea sa hade an maraot na mga parahatol, asin magdadanay sa kahadean an hustisya.

Mga Talinhaga 29:4

Kun may pagmakulog an hade sa hustisya, nagigin pusog an nasyon; alagad kun kwarta sana an saiyang pinagmamakulogan, raraoton niya an saiyang banwaan.

Mga Talinhaga 31:9

Magpahayag ka para sainda asin magin saro kang matanos na hukom. Ipakilaban mo an deretso kan dukha asin kan mayong sukat.”

Parahulit 10:17

Alagad paladan an sarong nasyon kun an naghahade diyan sarong tawong igwa nin sadiring kaisipan, asin an mga lider nagbabangkete sa tamang panahon, tanganing magkosog asin bakong tanganing magburat.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 33:16

Dangan magigin ligtas kamo; magigin ligtas kamo na garo nasa laog nin sarong makosog na bantayan. Magkakaigwa kamo nin tinapay na kakakanon asin tubig na iinomon.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 22:18

Kaya nagsasabi an Kagurangnan manongod ki Jehoiakim na aking lalaki ni Josias, na hade nin Juda: “Mayo nin magmomondo sa saiyang pagkagadan ni masabi, ‘O sakong tugang. O sakong tugang! Mayo nin magtatangis para saiya ni makurahaw, ‘Sakong kagurangnan! Sakong hade!’

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 42:6

Mawilihan mi man iyan o dai, susunodon mi an Kagurangnan na satong Dios, na papamibian mo sosog sa samong kahagadan. Mapapakarhay kami kun susunodon mi siya.”

Jeremias 7:5

“Bagohon na nindo an saindong gawe saka pamumuhay. Magin matanos kamo sa pagtratar sa lambang saro.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”