Jeremias 22:13 - Marahay na Bareta Biblia

¹³ Herak man sa tawo na nagtutugdok kan saiyang harong huli sa inhustisya asin nagpapadakula kaiyan huli sa pandadaya; pinapatrabaho niya an saiyang mga kahimanwa na mayo nin bayad, dai niya itinatao an tandan ninda.

Jeremias 22:13 ပူးပေါင်းရင်းမြစ်များ

2 Mga Cronica 36:4

Si Eliakim, na tugang na lalaki ni Joahaz, iyo an ibinugtak ni Neco bilang hade nin Juda saka nin Jerusalem asin an ngaran kaining Eliakim rinibayan niya nin Jehoiakim. Si Joahaz dinara ni Neco sa Egipto.

2 Mga Cronica 36:5

Beynte y singkong taon an edad ni Jehoiakim kan siya magin hade nin Juda, asin onseng taon siyang naghade sa Jerusalem. Ginibo niya an maraot sa atubangan kan Kagurangnan na saiyang Dios.

An Libro ni Job 31:39

kun sakong kinakan an bunga kan tanom na nagtalubo diyan alagad ginutom ko an mga paraoma na nagtanom kaiyan—

Isaias 5:8

Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Jeremias 22:18

Kaya nagsasabi an Kagurangnan manongod ki Jehoiakim na aking lalaki ni Josias, na hade nin Juda: “Mayo nin magmomondo sa saiyang pagkagadan ni masabi, ‘O sakong tugang. O sakong tugang! Mayo nin magtatangis para saiya ni makurahaw, ‘Sakong kagurangnan! Sakong hade!’

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Mikas 3:10

Kamo an nagpapatindog kan syudad nin Dios, an Jerusalem, sa pundasyon nin panggagadan saka inhustisya.

Habakkuk 2:12

Herak man saindo na nagmukna nin sarong syudad sa paagi nin krimen asin nagpatindog kaiyan huli sa panggagadan!

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 15:13

Sa ikapitong taon, talingkasan nindo siya; dai nindo siya pagpahaleon na mayo nin darang ano man.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.