Jeremias 22:11 - Marahay na Bareta Biblia

¹¹ An Kagurangnan nagsasabi manongod ki Joahaz na aking lalaki ni Josias, na nagsalihid sa saiyang ama bilang hade nin Juda, “Naghale siya sa lugar na ini asin dai na siya mabalik.

Jeremias 22:11 ပူးပေါင်းရင်းမြစ်များ

2 Mga Hade 23:29

Kan panahon niya, pinangenotan ni Neco, na hade nin Egipto, an sarong hukbo pasiring sa Salog nin Eufrates tanganing tabangan an emperador nin Asiria. Hiningowa ni Hadeng Josias na paontokon an hukbo nin Egipto duman sa Megido, alagad nagadan siya sa gera.

2 Mga Hade 23:30

An saiyang bangkay ibinugtak kan saiyang mga sorogoon sa sarong karwahe dangan dinara sa Jerusalem. Ilinubong ninda siya sa sadiri niyang lulubngan. Pinili kan banwaan nin Juda si Joahaz, na aking lalaki ni Josias, asin linahidan nin lana, saka ginibong hade bilang kasalihid kan saiyang ama.

2 Mga Hade 23:31

Beynte y tres na taon an edad ni Joahaz kan siya magin hade nin Juda, asin tolong bulan siyang naghade sa Jerusalem. An saiyang ina iyo si Hamutal, na aki ni Jeremias na taga Libna.

2 Mga Hade 23:34

Si Eliakim, na aking lalaki ni Josias, iyo an ibinugtak ni Neco na hade nin Juda bilang kasalihid ni Josias, dangan an ngaran niya rinibayan ni Neco nin Jehoiakim. Si Joahaz dinara ni Neco sa Egipto, asin duman siya nagadan.

1 Mga Cronica 3:15

Nagkaigwa nin apat na aking lalaki si Josias na iyo si Johanan, Jehoiakim, Zedekias, asin Sallum.

2 Mga Cronica 28:12

Apat sa mga lider kan Kahadean sa Amihan an nagsalungat sa ginibo kan hukbo. An mga lider na ini iyo si Azarias na aking lalaki ni Jehohanan, si Berekias na aking lalaki ni Mesillemot, si Jehizkias na aking lalaki ni Sallum asin si Amasa na aking lalaki ni Hadlai.

2 Mga Cronica 34:22

Si Hilkias asin an mga sinugo kan hade nagduman ki Hulda na sarong babaeng propeta na nag-erok sa bagong kabtang nin Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

Jeremias 22:27

Magmamawot ka na mahiling giraray an banwaan na ini, alagad dai ka na makakabalik.”

Sofonias 1:1

Iyo ini an mensahe na itinao nin Kagurangnan ki Sofonias kan panahon na si Josias na aking lalaki ni Amon iyo an hade nin Juda. (Si Sofonias aking lalaki ni Cusi na aking lalaki ni Gedalias; si Gedalias aking lalaki ni Amarias na aking lalaki ni Hadeng Ezekias.)