Jeremias 21:6 - Marahay na Bareta Biblia

⁶ Gagadanon ko an mga nag-eerok sa syudad na ini; magin tawo o hayop parehong magagadan sa makuring peste.

Jeremias 21:6 ပူးပေါင်းရင်းမြစ်များ

Genesis 6:7

Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 33:12

Nagtaram an Kagurangnan nin mga hukbo, “Sa dagang ini, na garo desyerto saka mayo nin nag-eerok na tawo o hayop, magkakaigwa giraray nin mga pasabsaban na pagdadarahan kan mga pastor kan saindang mga karnero.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 36:29

Pinagbotan ako nin Kagurangnan na taraman an hade nin siring, “Sinulo mo an kasuratan, asin hinapot mo si Jeremias kun tadaw ta sinurat niya na maabot an hade nin Babilonia, raraoton an dagang ini, asin gagadanon an mga tawo saka hayop.

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Ezekiel 12:16

Tutugotan kong an nagkapira sa sainda matadang buhay sa gera, sa makuring gutom asin sa peste, tanganing sa tahaw kan mga nasyon, maaaraman ninda na makauuyam an saindang mga gawe asin tanganing mamidbidan ninda na ako an Kagurangnan.”

Ezekiel 14:13

“Aki nin tawo, kun an sarong daga nagkakasala asin nagigin bakong maimbod sa sako, uunaton ko an sakong kamot asin raraoton ko an ginigikanan kan saindang kakanon. Mapadara ako nin makuring gutom asin gagadanon ko an mga tawo saka mga hayop.

Ezekiel 14:17

“Pwede man na darahan ko nin gera an dagang idto asin magpadara nin nakakaraot na armas na magadan kan mga tawo saka mga hayop.

Ezekiel 14:19

“Kun magpadara ako nin peste sa dagang idto, asin sa sakong kaanggotan gadanon ko an mga tawo saka mga hayop,

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 33:27

“Sabihan mo sinda na ini an tataramon ko, an Kagurangnan Dios: Mantang ako an Dios na buhay, magagadan sa espada an mga nag-eerok sa rumpag na mga syudad. An mga nag-eerok sa kaomahan kakakanon kan mga lalaw na hayop. An mga nagtatago sa mga kabukidan saka mga lungib magagadan sa peste.

Ezekiel 33:29

Kun padusahan ko na an banwaan huli kan saindang mga kasalan, asin kun an daga gibohon ko nang mamondo saka alang, dangan maaaraman ninda na ako an Kagurangnan.”

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Sofonias 1:3

an mga tawo saka mga hayop, an mga gamgam asin mga sira. Ibabagsak ko an gabos na tampalasan. Pupuhoon ko an katawohan digdi sa daga. Ako, an Kagurangnan, an nagtaram.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.